Էրդողանը հրապարակեց կառավարության կազմը

Ռեջեփ Թայիփ Էրդողանը, որը հուլիսի 9-ի երդման արարողությամբ վերստին ստանձնեց Թուրքիայի նախագահի պաշտոնը, բայց արդեն շատ ավելի մեծ լիազորություններով, հրապարակել է նոր կառավարության կազմը: Փոխնախագահ է նշանակվել Ֆուադ Օքթայը:

Արտաքին գործերի նախարարի պաշտոնում վերանշանակվել է Մեւլութ Չավուշօղլուն, ներքին գործերի նախարարի պաշտոնում՝ Սուլեյման Սոյլուն, արդարադատության նախարարի պաշտոնում՝ Աբդուլհամիթ Գյուլը: Նախկինում էներգետիկայի ու բնական պաշարների նախարարի պաշտոնը զբաղեցնող Էրդողանի փեսան՝ Բերաթ Ալբայրաքն այսուհետ կզբաղեցնի ֆինանսների նախարարի, իսկ զինված ուժերի գլխավոր շտաբի նախկին պետ Հուլուսի Աքարը՝ պաշտպանության նախարարի պաշտոնը:

Աշխատանքի, սոցիալական ծառայությունների ու ընտանիքի հարցերով նախարար՝ Զեհրա Զումրութ Սելչուկը, շրջակա միջավայրի ու քաղաքաշինության նախարար՝ Մուրաթ Քուրումը, էներգետիկայի ու բնական պաշարների նախարար՝ Ֆաթիհ Դոնմեզը, երիտասարդության ու սպորտի նախարար՝ Մեհմեթ Քասաթօղլուն, մշակույթի ու զբոսաշրջության նախարար՝ Մեհմեթ Էրսոյը, ազգային կրթության նախարար՝ Զիյա Սելջուկը, առողջապահության նախարար՝ Ֆահրեթթին Քոջան, արդյունաբերության և տեխնոլոգիաների նախարար՝ Մուստաֆա Վարանքը, գյուղատնտեսության և անտառային տնտեսության նախարար՝ Բեքիր Փեքդեմիրլին, առևտրի նախարար՝ Ռուհսար Փեքջանը և տրանսպորտի ու ենթակառուցվածների նախարար՝ Ջահիթ Թուրանը:

Նախարարական նոր կաբինետն ունի երկու կին գործիչ:

ԶՈՒ Գլխավոր շտաբի պետի պաշտոնում Հուլուսի Աքարին փոխարինել է ցամաքային ուժերի հրամանատար Յաշար Գյուլերը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով