Էրդողանի երդմնակալության արարողությունը տեղի կունենա հուլիսի 9-ին

Թուրքիայի վերընտրված նախագահ Ռեջեփ Թայիփ Էրդողանի երդմնակալության արարողությունը տեղի կունենա հուլիսի 9-ին, այս մասին տեղեկացնում է թուրքական «Հյուրրիյեթ» պարբերականը՝ հղում անելով նախագահի գրասենյակի մամուլի ծառայությանը։

Նույն օրը հայտնի կդառնա կառավարության նոր կազմը, որն ըստ փոփոխված սահմանադրության՝ այժմ նշանակվելու է նախագահի կողմից։

Հիշեցնենք, որ Էրդողանը հաղթել է հունիսի 24-ին կայացած նախագահական ընտրություններում՝ ստանալով ընտրողների ձայների 52,6 տոկոսը։

Էրդողանի օգտին տրված ամենաշատ ձայները գրանցվել են հատկապես Էրզրումում, Յոզղատում, Սեբաստիայում, Աքսարայում, Կեսարիայում, Մարաշում, Ռիզեում, որտեղ նրա օգտին քվեարկած քաղաքացիների թիվն անցել է 70 տոկոսը։

Մայրաքաղաք Անկարայում Էրդողանի երկրորդ նախագահական ժամկետին կողմ է քվեարկել ընտրողների 51,52 տոկոսը, Ստամբուլում՝ ուղիղ 50 տոկոսը։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով