Թուրքիայում Amnesty International-ի ղեկավարը կմնա անազատության մեջ

Amnesty International միջազգային իրավապաշտպան կազմակերպության տարածաշրջանային մասնաճյուղի ղեկավար Թաներ Քըլըչը կշարունակի մնալ կալանքի տակ: Ըստ Reuters գործակալության` նման որոշում է ընդունել Թուրքիայի դատարանը:

Իրավապաշտպանի գործով հաջորդ դատական լսումները նախատեսված են նոյեմբերին: Քըլըչը ձերբակալվել է մեկ տարի առաջ Իզմիր քաղաքում: Նրա հետ մեկտեղ թուրքական իշխանությունները ձերբակալել են ևս վեց իրավապաշտպանի՝ այդ թվում Թուրքիայում Amnesty International-ի տնօրեն Իդիլ Էսերին: Նրանք մեղադրվում են «ահաբեկչական կազմակերպության» հետ կապեր ունենալու մեջ, որը, ըստ պաշտոնական Անկարայի, 2016 թվականի հուլիսին երկրում ռազմական հեղաշրջում էր կազմակերպել:

Amnesty International-ը պահանջել է ազատ արձակել իրավապաշտպաններին, սակայն Թուրքիայի նախագահ Ռեջեփ Էրդողանը, վկայակոչելով հետախուզության տվյալները, կազմակերպությանը մեղադրել է երկրում նոր հեղաշրջում կազմակերպելու փորձի մեջ: Էրդողանի այդ հայտարարությունը հանգեցրել է Բրյուսելի և Անկարայի միջև հարաբերությունների սրման:

Իրավապաշտպանները չեն ընդունում իրենց հասցեագրվող մեղադրանքները:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով