Թուրքերը զանգվածաբար հեռանում են Թուրքիայից

Եվրամիության տարածքում ապաստան ստանալու համար դիմած Թուրքիայի քաղաքացիների թիվը 2017 թվականին աճել է 42 տոկոսով: Նման տվյալ է հրապարակվել Եվրամիության ապաստան տրամադրելու հարցերով գործակալության (EASO) ամենամյա զեկույցում։

Ինչպես գրում է թուրքական ahvalnews.com կայքը, 2017-ին Եվրամիությունում ապաստան ստանալու համար դիմել է տարբեր երկրների 728.470 քաղաքացի, ինչը 44 տոկոսով պակաս է 2016-ի տվյալից։ Ի հակառակ ընդհանուր ցուցանիշի՝ ԵՄ տարածքում ապաստան խնդրող Թուրքիայի քաղաքացիների թիվն ավելացել է 42 տոկոսով։

Մասնավորապես՝ 2016-ին ԵՄ-ում ապաստան ստանալու համար դիմել է Թուրքիայի 11.670 քաղաքացի, իսկ 2017-ին նրանց թիվը հասել է 16.640-ի:

Հայտնի է նաև, որ ԵՄ տարածքում ապաստան ստանալու դիմումների հարցում առաջատարը Սիրիայի քաղաքացիներն են, որոնց թիվն անցել է 108.000-ը։ Դիմումների ստացման առումով առաջատար է Գերմանիան, նրան հաջորդում է Ֆրանսիան։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով