Էրդողանը բացառել է կառավարման խորհրդարանական համակարգին վերադարձը

Թուրքիայի նախագահ Ռեջեփ Թայիփ Էրդողանը բացառում է կառավարման խորհրդարանական համակարգին վերադարձը, գրում է թուրքական diken.com.tr կայքը։

Մեկնաբանելով ընդդիմության առաջնորդների այն հայտարարությունները, թե ընտրություններում հաջողության հասնելու դեպքում իրենք կվերադարձնեն կառավարման խորհրդարանական համակարգը, Էրդողանն ասել է․ «Այս ժողովուրդն այդ դուռը փակել է 2017-ի ապրիլի 16-ին։ Եթե կարողանաք ձեռք բերել այն ուժը, որ խորհրդարանում նորից սահմանադրություն փոխեք՝ համեցե՛ք, փոխե՛ք։ Կամ եթե այդքան ուժ ունեք այդ հարցով ժողովրդի մոտ գնալու՝ գնացե՛ք։ Կիրակի օրը մենք կտեսնենք, թե ինչ է ասում մեր ժողովուրդը»,-ասել է Թուրքիայի ղեկավարը։

Էրդողանը չի բացառել, որ ստիպված կլինի խորհրդարանում նոր կոալիցիա ձևավորել, եթե իր կուսակցությունը 300 պատգամավորական տեղից պակաս ստանա այս ընտրություններում։

Հիշեցնենք, որ Թուրքիայում արտահերթ նախագահական ու խորհրդարանական ընտրությունները կկայանան հունիսի 24-ին։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով