Էրդողանը խոստովանել է, որ կցանկանար մահապատժի դատապարտել նախագահի քուրդ թեկնածու Դեմիրթաշին

Թուրքիայի նախագահ Ռեջեփ Թայիփ Էրդողանը հայտարարել է, որ կցանկանար մահապատժի դատապարտել քրդամետ Ժողովրդադեմոկրատական կուսակցության նախկին համանախագահ, կուսակցության կողմից նախագահի թեկնածու առաջադրված Սելահաթթին Դեմիրթաշին, որն ահաբեկչության հետ կապերի մեղադրանքով կալանավորված է 2016 թվականի նոյեմբերից մինչ օրս։

Ինչպես գրում է Sputnik-ի թուրքական ծառայությունը, Էրդողանը նման հայտարարություն է արել Քոջաելի քաղաքում նախընտրական հանրահավաքի ժամանակ։

Երբ Էրդողանը հարթակից սկսել է տալ Դեմիրթաշի անունն ու մեղադրել նրան ահաբեկչության համար՝ նրա կողմնակիցները սկսել են վանկարկել «մահապատի՛ժ նրան»։ Ինչին ի պատասխան Թուրքիայի նախագահն ասել է․
«Եթե խորհրդարանն ինձ ուղարկեր նման որոշում՝ ես վաղուց այն ստորագրած կլինեի»։

Դրան ի պատասխան Դեմիրթաշը թվիթերյան իր էջում նշել է, որ ինքը պատրաստ է իր կյանքը «հազար անգամ զոհել հանուն իր ժողովրդի»։

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով