Իրանի ԱԳ նախարարը Հնդկաստանում քննարկում է միջուկային համաձայնագրի շուրջ կացությունը

Իրանի արտաքին գործերի նախարար Մոհամադ Ջավադ Զարիֆը այսօր առավոտյան պաշտոնական այցով ժամանել է Դելի: Հնդկաստանի ղեկավարության հետ բանակցությունների գլխավոր թեմաներն են լինելու Իրանի միջուկային ծրագրի շուրջ ստեղծված ճգնաժամը, ինչպես նաև երկկողմ հարաբերությունների հետագա խորացումը:

«Մենք նախկինում էլ շատ լավ հարաբերություններ ենք ունեցել և ակնկալում ենք, որ դրանք հետագայում ևս կշարունակեն զարգանալ», - հայտարարում էր Զարիֆը:

Հնդկաստանի իշխանություններն ավելի վաղ հայտարարել էին, որ Իրանի և գերտերությունների միջև 2015 թվականին կնքված միջուկային համաձայնագրի շուրջ վերջին տարաձայնությունները պետք է հանգուցալուծվեն դիվանագիտական ճանապարհով:

Հիշեցնենք, Միացյալ Նահանգների նախագահ Դոնալդ Թրամփը մայիսի 8-ին հայտարարեց Թեհրանի հետ միջուկային համաձայնագրից Վաշինգտոնի դուրս գալու մասին:

Դելին սերտ կապեր ունի թե՛ Վաշինգտոնի և թե՛ Թեհրանի հետ: Իրանը հնդկական շուկա էներգակիրներ մատակարարող հիմնական պետությունն է:

Այս թեմայով Իրանը խոստացել է դուրս չգալ միջուկային ծրագրից Իրանը Եվրոպային 60 օր է տվել Եվրոպան Իրանին կոչ է անում պահպանել միջուկային համաձայնագիրը «Եվրոպան պետք է համոզի Իրանին մնալ միջուկային գործարքում». Մակրոն Իրանը նամակ է հղել «միջնորդ հնգյակին» և հայտնել իրանական միջուկային գործարքից մասամբ դուրս գալու մասին