Ռոհանին պահանջել է Թուրքիայից սիրիական Աֆրինը հանձնել սիրիական բանակին

Իրանի Իսլամական Հանրապետության նախագահ Հասան Ռոհանին պահանջել է Թուրքիայից սիրիական Աֆրինը հանձնել Սիրիայի իշխանությունների վերահսկողությանը: Այս մասին գրում է թուրքական gazeteduvar.com.tr կայքը:

Ըստ լրատվամիջոցի՝ նման հայտարարություն Ռոհանին կատարել է Անկարայում տեղի ունեցած Թուրքիա-Ռուսաստան-Իրան եռակողմ հանդիպմանը՝ Թուրքիայի նախագահ Ռեջեփ Թայիփ Էրդողանի ու Ռուսաստանի Դաշնության նախագահ Վլադիմիր Պուտինի մասնակցությամբ:

«Աֆրինի զարգացումները արդյունավետ կարող են լինել միայն Սիրիայի տարածքային ամբողջականության չխախտման դեպքում: Աֆրինը պետք է հանձնվի սիրիական բանակի վերահսկողութանը», - ասել է Ռոհանին:

Հիշեցնենք, որ հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը:

Թուրքական ԶՈւ-ը Աֆրինի կենտրոնը գրավել է մարտի 18-ին:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը