Թուրքիայի բնակչության գրեթե 80 տոկոսը շարունակում է կողմ լինել ԵՄ անդամ դառնալուն

Չնայած թուրք-եվրոպական հարաբերություններում առկա որոշակի լարվածությանը՝ Թուրքիայի բնակչության գրեթե 80 տոկոսը շարունակում է կողմ լինել Թուրքիայի՝ Եվրամիությանն անդամակցությանը, այս մասին է փաստում Թուրքիայում գործող «Տնտեսական զարգացման հիմնադրամի» կատարած վերջին հետազոտությունը:

Հիմնադրամի տնօրեն Այհան Զեյթինօղլուն նշել է, որ նոյեմբեր ամսվա ընթացքում երկրի 18 նահանգներում իրականացրած հարցումների ժամանակ ԵՄ-ին անդամակցությանը կողմ է արտահայտվել հարցվածների 78.9 տոկոսը: Հայտնի է, որ հարցմանը մասնակցել է 1.311 մարդ:

Հարցվածների 31,2 տոկոսը հավատում է, որ Թուրքիան կարող է ԵՄ անդամ դառնալ մոտ ապագայում, 68,8 տոկոսը չի կարծում, որ դա այդքան շուտ տեղի կունենա:

Հարցվածների մեծ մասը որպես ԵՄ անդամ դառնալու ցանկության հիմնական պատճառներ թվարկել են երկրի ժողովրդավարացումը, նյութական բարեկեցության մակարդակի բարելավումն ու ազատականացված վիզային ռեժիմը:

Չնայած այդ ամենին՝ որպես Թուրքիայի քաղաքական հիմնական դաշնակից հարցվածների մեծ մասը տեսնում է Ռուսաստանին:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով