Ինչ-որ տեղի է ունենում, թատրոն է, շոու. Գերասիմ Վարդանյանը՝ դատարանում
ՀՅԴ Հայաստանի ԳՄ անդամ Գերասիմ Վարդանյանի 4 տարի առաջ «Ազատություն» ռադիոկայանի շենք մտնելու գործով նիստին վկան, որն անվտանգության աշխատակից էր, իր ցուցմունքի ժամանակ ասաց, որ դռան ձայն չի լսել, սակայն արդեն ռադիոկայանի գրասենյակի տարածքից լսել է գոռգոռոցներ, որոնք շարունակվել են մոտ 10 րոպե:
Դատավորի հարցին, թե ինչու էին մտել ռադիոկայանի տարածք, վկան պատասխանեց, որ տարբեր խոսակցություններից լսել է, որ ռադիոկայանի սերվերները անջատելու համար էին մտել, սակայն հստակ չի կարող ասել, թե իրականում դա էր դրդապատճառը, թե՝ ոչ:
Գերասիմ Վարդանյանի հարցին, թե փորձել է արդյոք որեւէ կերպ խոչընդոտել, զգուշացնել որ չի կարելի մտնել այդ տարածք, վկան ասաց, որ չի հիշում:
Գերասիմ Վարդանյանն էլ ասաց, որ գործով դատավարությունը արդեն 4 տարի է, ինչ շարունակվում է եւ արդյոք վկան խղճի խայթ չի զգում, որ իր ցուցմունքներում հայտարարում է, չի հիշում, կամ մոռացել է: Դատախազը առարկեց հարցի դեմ, դատավորը հարցը հանեց:
Փաստաբան Սերգեյ Հարությունյանի ճշտող հարցին, թե անձամբ լսել է, որ ներս մտնողները ննպատակ ունեին ռադիոկայանի սերվերները անջատեին, վկան ասաց, որ չի լսել:
Գործով մեղադրյալ Գերասիմ Վարդանայնն իր խոսքում հայտարարեց, որ դատավարությունը տեւեում է 4 տարի, որի հետեւանքով ինքը նաեւ կալանավորվել է, սակայն վկայի հարցաքննությունից նույնիսկ պարզ է դառնում, որ այս ամեն ինչը, ինչը որ տեղի է ունենում, ունի քաղաքական դրդապատճառներ, մարդկանց լռեցնելու նպատակ:
«Ես ուղղակի այդ ամեն ինչի մեջ ներգրավված մարդկանց ուզում եմ ասել, որ անիմաստ է: Եթե հարկ լիներ այս ամենի միջով անցնել, թող նրանք իմանան, որ եթե 100 կյանք ունենայի եւս հարյուր անգամ կանցնեի: Ինձ համար մեր հայրենիքի՝ Արցախի, Հայաստանի, հայ ժողովրդի ազատությունից էն կողմ ամեն ինչ բարդ ա, ու տարբերություն չկա ես որտեղ կլինեմ, տանը թե դրսում, ազատության մեջ, թե կալանավորված: Էս ա էս ամբողջը, ինչ-որ տեղի է ունենում, թատրոն է, շոու, չգիտեմ՝ ինչքան կտեւի այս ամենը, բայց տեւելու է այնքան, մինչեւ որ հաղթենք»,-ասաց նա իր խոսքում:
Դատավորը ընդհատեց նրա խոսքը՝ հորդորելով քրեական գործի հետ կապված խոսել: Դատական նիստն ավարտվեց աշխատանքային օրն ավարտվելու հետ կապված, հաջորդ դատական նիստը տեղի կունենա սեպտեմբերի 2-ին, ժամը՝ 16:00-ին:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Նիկոլ Փաշինյանը հանդիպում է ունեցել Կոսովոյի վարչապետի հետ
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...
Ընդդիմադիր ուժերի համախմբումը և քաղաքական սերնդափոխության անհրաժեշտությունը
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...