Ինչո՞ւ եք շեշտում միայն թուրք–իսլամական, այստեղ այլ հավատի ու ազգի շատ քաղաքացիներ կան. Փայլանը՝ թուրք նախարարին

Թուրքիայի քրդական «Ժողովուրդների դեմոկրատական» (HDP) կուսակցության հայ պատգամավոր Կարո Փայլանը երկրի բյուջեի քննարկումների ժամանակ ընդարձակ ելույթով դիմել է Սպորտի եւ երիտասարդության նախարարին։

Ինչպես տեղեկանում ենք HDP–ի պաշտոնական կայքից, Կարո Փայլանը քննադատության է ենթարկել Թուրքիայում երիտասարդության հետ կապված աշխատանքները՝ շեշտելով, թե նախարարությունը երիտասարդության հետ կապված հարցերը որոշում է առանց որեւէ մեկ երիտասարդի հետ խորհրդակցելու։ Փայլանը շեշտել է, որ Սպորտի ու երիտասարդության նախարարությունում 25 տարեկան որեւէ պաշտոնյա չկա, ինչը ցույց է տալիս, որ նախարարությունը պատշաճ չի կարեւորում երիտասարդության դերն ու նշանակությունը։

Փայլանը նաեւ ուշադրություն է դարձրել նախարարության կողմից հայտարարություններում թուրք–իսլամական բառին՝ շեշտելով։ «Ինչո՞ւ եք անընդհատ շեշտում թուրք–իսլամական բառը, Թուրքիայում ապրում են տարբեր հավատի ու տարբեր ազգերի ներկայացուցիչներ։ Բազմաշերտ հասարակությանը միավորող դերակատարում է վերապահված հենց ձեր նախարարությանը, սակայն այն եւս թերի է»,–ասել է Կարո Փայլանը։

news.am

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով