Դիվերսիայից հետո ադրբեջանցիները հենց այգիներում մարդ են տեսնում՝ կրակում են, չեն թողնում աշխատել. Սոս համայնքի ղեկավար
Մարտի 5–ին, ադրբեջանական դիվերսիայի հետեւանքով արցախցի երեք ոստիկանների սպանությունից հետո, ադրբեջանական կողմը պարբերաբար կրակում է Մարտունու շրջանի Սոս համայնքում գյուղատնտեսական աշխատանքներ կատարող բնակիչների ուղղությամբ։ Այս մասին NEWS.am-ի հետ զրույցում ասաց Սոս համայնքի ղեկավար Հունան Գրիգորյանը՝ անդրադառնալով երեկ խաղողի այգում էտման եւ մաքրման աշխատանքներ կատարելիս ադրբեջանցիների կողմից գյուղացիների ուղղությամբ անկանոն կրակոցներ արձակելուն։
«Դիվերսիայից հետո ադրբեջանցիները հենց այգիներում մարդ են տեսնում՝ կրակում են, չեն թողնում աշխատել։ Դեպքեր են եղել, երբ մարդկանց թիրախավորել են, կրակոցները բնակիչների ուղղությամբ են հնչել, բարեբախտաբար տուժողներ չեն եղել»,– ասաց Սոս գյուղի ղեկավարը՝ ընդգծելով, որ նույնիսկ ռուս խաղաղապահների ներկայությունը նրանց չի զսպում։
Սոս գյուղի ուղղությամբ ադրբեջանցիները սկսել են կրակել դեռ նախորդ տարվանից։ Գյուղում հիմնականում խաղողագործությամբ են զբաղվում, բայց այսօր բնակիչները չեն կարողանում խաղողի այգիների էտման աշխատանքները շարունակել։
«Խաղողի այգիներից ադրբեջանական դիրքերը 600–ից 1000 մետր հեռավորության վրա են։ Մինչեւ հարցը չլուծվի՝ գյուղացիները չեն կարող իրենց աշխատանքները շարունակել։ Անցյալ տարի սովորաբար օդ էին կրակում, թիրախավորման դեպքերը քիչ են եղել, գյուղատնտեսական աշխատանքները կատարվել են, բայց այս տարի ակտիվ կրակում են, թիրախավորում մարդկանց»,– ասաց Սոս գյուղի ղեկավար Հունան Գրիգորյանը։
Հիշեցնենք՝ երեկ՝ մարտի 26–ին, ադրբեջանական կողմը կրակել է ոչ միայն Սոս գյուղում խաղողի այգիներում աշխատող բնակիչների ուղղությամբ, այլեւ Թաղավարդ գյուղում ցորենի դաշտում գյուղատնտեսական աշխատանքներ կատարող բնակիչների ուղղությամբ։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
3․600 բնակիչ ու ընդամենը մեկ միկրոավտոբուս
Վթարային ջրանջատում Երևանի և երկու մարզի մի շարք հասցեներում