Սեպտեմբերի 28-ին Էրդողանը և Պուտինը բանակցություններ կանցկացնեն Անկարայում

Ինչպես հաղորդում է Կրեմլի մամուլի ծառայությունը, մի քանի ժամ առաջ կայացել է Ռուսաստանի և Թուրքիայի նախագահների հեռախոսազրույցը:

Հաղորդագրության համաձայն, հեռախոսային բանակցությունների հիմնական թեման է եղել Սիրիայում ստեղծված իրավիճակը:

«Կողմերը համաձայնել են, որ Սիրիայում իրադրությունը հնարավոր կլինի կայունացնել չորս անվտանգության գոտիների ստեղծումից հետո», - տեղեկացնում է Ռուսաստանի նախագահի մամուլի ծառայությունը:

CNN Turk հեռուստաընկերության հաղորդման համաձայն, Պուտինն ու Էրդողանը քննարկել են նաև Իրաքյան Քուրդիստանում ընթացող անկախության հանրաքվեի թեման` «վերահաստատելով աջակցությունը Իրաքի տարածքային ամբողջականության գաղափարին»:

Կրեմլի մամուլի ծառայության հաղորդագրության համաձայն, արդեն գալիք հինգշաբթի` սեպտեմբերի 28-ին, Թուրքիայի և Ռուսաստանի նախագահները աշխատանքային հանդիպում կունենան Անկարայում:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով