Գերմանացին տուգանվել է 293 000 դոլար Երկրորդ համաշխարհայինի ժամանակների տանկ պահելու պատճառով

84 տարեկան գերմանացին դատապարտվել է ապօրինի զենք պահելու համար եւ տուգանվել 250 000 եվրո (193 972 դոլար)՝ 14 ամիս պայմանական բանտարկության հետ միասին, տեղեկացնում է Business Insider-ը։

Խուզարկության ժամանակ տղամարդու տանը՝ Հեյկենդորֆում (Հյուսիսային Գերմանիա) 2015թ. հայտնաբերվել է Երկրորդ համաշխարհային պատերազմի ժամանակների «Պանտերա» տանկ, ինչպես նաեւ բավականաչափ զինամթերք։

Դատարանի վճռում, որը կայացվել է օգոստոսի 2-ին, ասվում էր, որ տղամարդը պետք է վաճառեր կամ նվիրեր տանկը եւ զենիթային հրանոթը թանգարանին կամ հավաքորդին հաջորդ երկու տարվա ընթացքում։

20 զինծառայողներին ինը ժամ պահանջվեց, որպեսզի տնից դուրս բերեն ռազմական տեխնիկան։

Դատախազության տվյալներով՝ ռազմական կոլեկտորը խախտել է Գերմանիայի սպառազինության վերահսկողության օրենքը։ Փաստաբանները պնդում էին, որ զենքն այլեւս չէր գործում, ուստի օրենքի խախտում չի եղել, բայց դատախազները դատարանին համոզեցին, որ զենքը դեռեւս կարող էր օգտագործվել։