Քանյե Ուեսթը ներկայացրել է «Donda» սկավառակի մերչը
Նոր սկավառակի՝ «Donda»-ի թողարկումը նշելու համար Քանյե Ուեսթը մերչ է թողարկել։ Ռեփերի պաշտոնական կայքը հայտնում է, որ հավաքածուում իրեր են ներկայացված, որոնք պատրաստվել են թողարկման միջոցառման առիթով, որը տեղի կունենա 2021թ․-ի օգոստոսի 5-ին Ատլանտայի «Mercedes-Benz» մարզադաշտում։
Քանյեի երկրպագուները կարող են ձեռք բերել նաեւ «Donda»-ի թվային տարբերակը՝ պարզ սեւ շապիկով։
Իրերի վաճառքից ստացված հասույթի մի մասը կուղղվի «Donda» հիմնադրամին։ Բլուզի արժեքը կազմում է 100 դոլար, իսկ ալբոմի թվային տարբերակինը՝ 10 դոլար։
Ավելի վաղ Քանյե Ուեսթը Balenciaga-ի ստեղծագործական տնօրեն Դեմնա Գվասալիային առաջարկել է դառնալ նոր ալբոմի թողարկման առիթով միջոցառման վերահսկողը։