Երգչուհի Մաքսիմին փրկել են դեղամիջոցով, որից մահացել է Մայքլ Ջեքսոնը
Վերջին օրերին Մաքսիմի մտերիմներն ու ներկայացուցիչները երգչուհու երկրպագուներին ուրախացնում են նրա վիճակի մասին լավ լուրերով։ Հաղորդվում է, որ Մարինա Մաքսմովան դուրս է եկել արհեստական կոմայից եւ վերականգնվում է թոքերի ծանր ախտահարումից հետո։
Արտիստն այժմ շնչում է դիմակով, իսկ բժշկական անձնակազմը նրան բաժանմունքում տեղաշարժում է անվասայլակով։ «Знаешь ли ты» երգի կատարողը պարզ գիտակցություն ունի եւ արդեն իսկ հասցրել է խոսել իր ներկայացուցիչների ու դուստրերի հետ։
Բժիշկների խոսքով՝ տեւական ժամանակ դեղամիջոցներով բուժումը նրա օրգանիզմին վնաս չի հասցրել։ Պարզվում է՝ №52 հիվանդանոցում Մարինային բուժել են պրոպոֆոլով։ Բժիշկները պնդում են, որ միայն առաջին հայցքից անվտանգ թվացող այդ դեղամիջոցը կարելի է ընդունել միայն մասնագետների հսկողության ներքո։ Դեղամիջոցի գերդոզավորումը կարող է հանգեցնել մահվան ելքի։
«Գլխավորը չափաբաժինը չգերազանցելն է։ Մայքլ Ջեքսոնն այդ դեղամիջոցն ընդունում էր քնի կարգավորման համար։ Եվ ըստ պաշտոնական աղբյուրների տվյալների՝ մահացել է հենց գերդոզավորման արդյունքում»,- «Կոմսոմոլսկայա պրավդա»-ին հայտնել է բժիշկ-նյարդաբան Վիկտոր Կոսը։
2009թ․-ին մահացած Մայքլ Ջեքսոնը մահվանը նախորդած ամիսների ընթացքում պրոպոֆոլ է ընդունել։ Փոփի արքան կյանքից հեռացել է անեսթետիկի եւ տրանկվիլիզատորների «մահացու կոկտեյլի» պատճառով, որոնք երգչին ներարկել է նրան բուժող Կոնրադ Մյուրեյը։