Մահացել է «Get Get Down» երգի հեղինակը
51 տարեկանում մահացել է հայտնի երաժիշտ Փոլ Ջոնսոնը՝ «Get Get Down» հիթի հեղինակը, հայտնում է Mirror-ը՝ վկայակոչելով արտիստի գործակալի խոսքերը։
Հուլիսի վերջին Փոլ Ջոնսոնին COVID-19-ով հոսպիտալացրել են վերակենդանացման բաժանմունք։ Առայժմ չի հստակեցվում՝ արդյոք նրա մահը կապված է կորոնավիրուսի հետ, թե ոչ։
Փոլ Ջոնսոնը մոտ հարյուր սկավառակ ու այլ թողարկումներ ունի։ Նրա ամենահայտնի կոմպոզիցիան 1999թ․-ին թողարկված «Get Get Down» հիթն է։
Փոլ Ջոնսոնը 1987թ․-ից հաշմանդամություն ունի։ Նա լրջորեն տուժել էր փոխհրաձգության ժամանակ, ինչից հետո գոտկատեղից ներքեւ ընկած հատվածը կաթվածահար է եղել։ Տարիներ անց անդամահատման կարիք է առաջացել․ 2003թ․-ին ամդամահատել են երաժիշտի ձախ, 2010թ․-ին՝ աջ ոտքը։