«Թող մայրը չմուրա». Դեցլի հայրը պատասխանել է թոռան հրապարակային վիրավորանքներին

Դեցլի որդու՝ Անտոնի Կիսելյովի սկանդալային հարցազրույցը նրան վերջնականապես գժտեցրել է հայտնի պապիկի ու տատիկի հետ։ Ալեքսանդր Տոլմացկին նույնիսկ չի ցանկանում լսել թոռան մասին, որը, պրոդյուսերի խոսքով, մտերիմների հետ ամենաանպատկառ ձեւով է վարվում։

«Ինչ-որ մեկին օգնելու եւ ինչ-որ մեկի հետ ապրելու համար հարկավոր է մարդու հետ լավ հարաբերություններ կառուցել։ Բայց դրանք չկան։ Ինձ համար հաճելի է օգնել մարդկանց, որոնք ինձ լավ են վերաբերվում, հյուր գնալ, ընկերություն անել, ոչ թե պարզապես զանգել ու գումար պահանջել։ Ավելին, Տոնին գումար ստանում է պարբերաբար։ Մնացած միջոցները՝ արդեն որպես ժառանգություն, նրան սպասում են 18-ամյակից հետո»,- հայտնել է 61-ամյա պրոդյուսերը։

Դեցլի հայրը վատ հարաբերություններ ունի նաեւ Անտոնիի մոր՝ նախկին մոդել Յուլյա Կիսելյովայի հետ։ Տոլմացկին վստահ է, որ կինը պարզապես մերկանտիլ հետաքրքրություն ունի։ «Թող աշխատի ու ապահովի որդուն, ոչ թե մուրա եւ օգնություն սպասի։ Ոչ ոք ոչինչ պարտական չէ նրան։ Նրանք ապրում են տատիկի բնակարանում, որը ձեւակերպված է նրա անունով, սակայն գնված է իմ գումարով»,- Teleproagramma.pro-ին տված հարցազրույցում ասել է Ալեքսանդր Յակովլեւիչը։

Բացի այդ՝ Տոլմացկի ավագին զայրացրել է այն, որ Կիսեւլյովան երեխայի նկատմամբ անհրաժեշտ ձեւով հոգ չի տանում։