Մաքսիմի ներկայացուցիչը հայտնել է, որ երգչուհու վիճակը լավացել է

Մաքսիմի PR մենեջեր Յանա Բոգեւշեւսկայան հայտարարել է, որ երգչուհին կայուն ծանր վիճակում է, սակայն լավացում է նկատվում, հայտնում է «ՏԱՍՍ»-ը։

Երգչուհու ներկայացուցիչը հայտնել է, որ Մաքսիմի վիճակն էական փոփոխությունների չի ենթարկվում։ Այն շարունակում է մնալ «կայուն ծանր», «թեեւ լավացում կա»։

Ավելի վաղ երգչուհու մեջեներ Մարգարիտա Սոկովոլան հայտնել է, որ բժիշկները վերահսկում են Մաքսիմի արհեստական կոման՝ նրան պարբերաբար գիտակցության վերադարձնելով։ Ընդ որում, այս պահին վաղ է խոսել երգչուհուն կոմայից ամբողջությամբ դուրս բերելու մասին։

Ավելի վաղ հիվանդանոցում առաջին անգամ մեկնաբանել էին Մաքսիմի հոսպիտալացումը։ Հաստատությունում նշել են, որ երգչուհին դիմել է հունիսի 23-ին եւ այդ պահից գտնվում է վերակենդաբնացման բաժանմունքում։ «Մեզ մոտ բոլոր բաժանմունքները կարմիր զոնա են։ Չի կարելի տեակցել ոչ ոքի, նույնիսկ նրանց, ովքեր գտնվում են ոչ թե վերակենդանացման բաժանմունքում, այլ սովորական հիվանդասենյակներում»,- հայտնել են հիվանդանոցում։

Հուլիսի 26-ին հաղորդվում էր, որ Մաքսիմը գիտակցության է եկել, նրան միացրել են թոքերի օդափոխությանն օժանդակող սարքին։

Երգչուհու հոսպիտալացման մասին հայտնի է դարձել հուլիսի 16-ին։ Մաքսիմը սոցիալական ցանցերում հայտնել է, որ դեռ հունիսի 11-ին ինքնազգացողությունը վատացել է։ Նա կորոնավիրուսի մի քանի թեստ է անցել, սակայն բոլորի արդյունքը բացասական է եղել։ Վիճակի վատացման պատճառով Մաքսիմին կոմայի մեջ են գցել եւ միացրել թոքերի արհեստական օդափոխության սարքին։