«Ավելի լավ է զանգեք Սոլին» սերիալի աստղին հոսպիտալացրել են նկարահանման հրապարակից
«Ավելի լավ է զանգեք Սոլին» հայտնի սերիալի աստղ Բոբ Օդենքերքին շտապ հոսպիտալացրել են հենց նկարահանման հրապարակից, հայտնում է TMZ-ն։
Նյու Մեքսիկո նահանգում նկարահանումների ընթացքում արտիստի ինքնազգացողությունը հանկարծակի վատացել է, եւ նա կորցրել է գիտակցությունը։ Գործընկերները շտապօգնություն են կանչել, սակայն առայժմ հայտնի չէ՝ արդյոք դերասանն ուշքի եկել է։
Այս պահին հայտնի չէ, թե ինչու է վատացել արտիստի վիճակը, բժիշկները կատարվածը չեն մեկնաբանել։
Բոբ Օդենքերքը հանդիսատեսին հայտնի է իրավաբան Սոլ Գուդմանի դերով, որը «Breaking Bad» հայտնի սերիալի հիմնական կերպարներից մեկն է։ Հերոսն այնքան էր սիրվել հանդիսատեսի կողմից, որ նրա մասին առանձին սերիալ են նկարահանել՝ «Ավելի լավ է զանգեք Սոլին», որում Օդենքերքը վերադարձել է խարիզմատիկ իրավաբան Սոլ Գուդմանի դերին։