Թրամփի երդմնակալության հանձնաժողովի նախագահը 250 միլիոն դոլար գրավի դիմաց ազատ է արձակվել
Նախկին նախագահ Դոնալդ Թրամփի երդմնակալության հանձնաժողովի նախագահը 250 միլիոն դոլար գրավի դիմաց ազատ է արձակվել, որպեսզի դատարանի առջեւ կանգնի այն մեղադրանքներից հետո, որ Արաբական Միացյալ Էմիրությունների գաղտնի գործակալ է աշխատել՝ Թրամփի արտաքին քաղաքականության վրա ազդելու նպատակով, հաղորդում է Associated Press-ը:
Լոս Անջելեսում ԱՄՆ հաշտարար դատավոր Պատրիսիա Դոնահյուն հրամայել է խիստ պայմաններ ներկայացնել Բարաքին ազատ արձակելու համար: Նա պետք է հանձնի իր անձնագիրը, GPS մոնիտոր կրի՝ նրա գտնվելու վայրը որոշելու համար, սահմանափակի ուղեւորությունները Հարավային Կալիֆոռնիայի եւ Նյու Յորքի միջեւ եւ պարետային ժամ պահպանի:
74-ամյա Թոմ Բարաքը ձերբակալվել է երեքշաբթի օրը՝ Լոս Անջելեսի իր տան մոտակայքում:
Դատախազները հայտարարել են, որ Բարաքը Թրամփի հետ ունեցած երկարամյա բարեկամությունն օգտագործել է ի շահ ԱՄԷ-ի` չբացահայտելով իր կապերը ԱՄՆ կառավարության առջեւ: