Ավստրալիայի երկու խոշոր նահանգ տեղեկացրել է COVID-19-ի նոր դեպքերի թվի կտրուկ ավելացման մասին
Ավստրալիայի երկու խոշոր նահանգներ տեղեկացրել են COVID-19-ի նոր դեպքերի կտրուկ ավելացման մասին, ինչը հուսախաբ է արել երկրի բնակչության ավելի քան կեսին, թե սահմանափակումները կհանվեն, տեղեկացնում է AP-ը։
Նոր Հարավային Ուելս նահանգում, որտեղ գտնվում է երկրի ամենահոծ բնակչությունն ունեցող Սիդնեյ քաղաքը, գրանցվել է հիվանդության նոր 110 դեպք՝ քաղաքը եւ հարակից շրջանները փակելուց մոտ չորս շաբաթ հետո, դելտա տարբերակի զսպման համար։
Վիկտորիա նահանգում գրանցվել է վարակման 22 նոր դեպք ինն օր առաջվա համեմատ, ինչը ամենամեծ ավելացումն է այս ամիս բռնկման սկսվելու պահից։
«Եթե մենք արգելափակված չլինեինք մի քանի շաբաթ առաջ, ապա թիվը այսօր կգերազանցեր հազարը»,- ասել է Նոր Հարավային Ուելսի վարչապետ Գլեդիս Բերեջիկլյանը։ «Բայց մենք պետք է ավելի շատ աշխատենք, եւ, իհարկե, բոլորս պետք է զգոն լինենք»,- ավելացրել է նա։
Երրորդ նահանգում՝ Հարավային Ավստրալիայում, որտեղ ապրում է 18 մլն մարդ, չորեքշաբթի սկսվել է կարանտինի առաջին օրը, տեղեկացվում է վեց նոր դեպքի մասին։