Ի՞նչ է հայտնի ռուսական նոր Checkmate կործանիչի մասին
Միջազգային ավիացիոն-տիեզերական սալոնի գլխավոր իրադարձությունը դարձել է նոր թեթեւ տակտիկական ինքնաթիռի պրեմիերան: Այն ստացել է Checkmate անվանումը («շախ եւ մատ»):
Ստեղծողների խոսքով՝ դրա նմանատիպը չկա Ռուսաստանում:
«Այն ներառում է իր մեջ նորարարական լուծումներ եւ տեխնոլոգիաներ, արհեստական ինտելեկտի միջոցներով օդաչուի աշխատանքի աջակցություն: Կործանիչն ունի բարձր թռիչքատեխնիկական բնութագրեր: Նախագծի վրա աշխատանքներում լայնորեն կիրառվել են բարձրհամակարգչային տեխնոլոգիաներ»,-հայտնել են «Ռոստեխ» պետական կորպորացիայում:
«Միացյալ ավիաշինարարական կորպորացիայի» տնօրեն Յուրի Սլյուսարը, ով «Ռոստեխի» ղեկավար Սերգեյ Չեմեզովի հետ միասին ներկայացրել է նորույթը, նշել է, որ ինքնաթիռը դարձել է նոր սերնդի բազմաֆունկցիոնալ հարթակ:
Checkmate-ն արդեն ունի պատվիրատու, ում անունը չի նշվում:
Ակնկալվում է, որ այլ երկրներում պահանջարկը կկազմի մի քանի հարյուրավոր օրինակ: «Ինքնաթիռը, առաջին հերթին, նախատեսված է Աֆրիկայի երկրների, Հնդկաստանի եւ Վիետնամի համար: Պահանջարկը բավական բարձր է»,-ասել է ՌԴ փոխվարչապետ Յուրի Բորիսովը:
Նոր կործանիչը կհայտնվի նաեւ ռուսական բանակում:
Կործանիչի համար հարմար կլինի այն նույն զենքը, որն այժմ մշակվում է արդեն ռուսական բանակում առկա 5-րդ սերնդի Սու-57 բազմաֆունկցիոնալ կործանիչի համար:
«Աշխարհում դրա նմանը գոյություն ունի: Դա եւ՛ F-35-ն, եւ՛ Gripen-ը, եւ՛ Rafale-ը: Մենք մեր առաջ խնդիր ենք դրել ավելի էժան ու արդյունավետ ինքնաթիռ մատակարարել՝ 25-30 մլն դոլար, նրանց մոտ 60-90 մլն դոլար է: Նոր թեթեւ կործանիչի արագությունը կազմում է ժամում 1,9 հազար կմ, հեռավորությունը՝ մոտ 3 հազար կմ:
Մեր մեքենան տարբերվում է նրանով, որ ունի ավելի քան 7 տոննա բեռ բարձրացնելու հնարավորություն»,-պարզաբանել է Չեմեզովը:
Պրեմիերայից տվյալների համաձայն՝ դրա արագությունը կազմում է 1,8-2 Մախ, իսկ զանգվածը՝ 7400 կգ:
«Ավելի շատ արագություն, ավելի շատ հեռավորություն, մեծ բեռնատարողություն, նոր որակներ: Այն ունի եզակի աերոդինամիկ սխեմա եւ նման չէ որեւէ ինքնաթիռի»,-ասել է Checkmate-ի գլխավոր կոնստրուկտորի տեղակալ Ալեքսեյ Բուլատովը:
Հեռանկարում նորույթը պետք է ստանա նաեւ անօդաչու տարբերակ:
«Ենթադրվում է զարգացնել մի քանի տարբերակ, ներառյալ՝ անօդաչու եւ ծովային տարբերակներ: Նավային, անօդաչու, երկտեղանի»,-ասել է «Միացյալ ավիաշինարարական կորպորացիայի» տնօրոն Յուրի Սլյուսարը:
Ըստ ծրագրերի՝ այն առաջին թռիչքը կիրականացնի 2023 թվականին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...