Daily Beast. որտե՞ղ կարող է սկսվել Երրորդ համաշխարհային պատերազմը
Դուք երբեւէ մտածե՞լ եք, թե որտեղ կարող է սկսվել Երրորդ համաշխարհային պատերազմը:
ԱՄՆ հասարակությունը կարծում է, որ Թայվանը հավանական վայր է ԱՄՆ-ի եւ Չինաստանի միջեւ պատերազմի սկզբի համար, գրում է Daily Beast-ը:
Մարտին ԱՄՆ արտաքին քաղաքականության առաջատար կազմակերպությունը զեկույց է հրապարակել, որում եզրակացություն է արվում, որ Թայվանը կարող է դառնալ ամենաթեժ եւ վտանգավոր կետն աշխարհում:
Վերջերս ԱՄՆ զորքերի նոր հրամանատար Ջոն Ակիլինոն հայտարարել է, որ ՉԺՀ հնարավոր ներխուժումը Թայվան ավելի մոտ է, քան մենք կարծում ենք:
ԱՄՆ ընթացիկ քաղաքականությունը ՉԺՀ-ն պաշտոնապես ճանաչում է միակ չինական ազգ, սակայն խոստանում է ռազմական եւ քաղաքական աջակցություն Թայվանին:
Կոնֆլիկտի դեպքում ԱՄՆ-ն այլեւս չի կարողանա օդում գերակայության հասնելու հույս ունենալ, ԱՄՆ-ն կպայքարի գերակայություն ստանալու համար:
Արեւմտյան փորձագետների մեծամասնությունը համաձայն է, որ Սի Ձինփինը եւ Չինաստանի Կոմկուսը կիսում են այն կարծիքը, որ ԱՄՆ-ն անկում է ապրում:
Փորձագետների ճնշող մեծամասնությունը, որոնք զբաղվում են միջազգային հարաբերությունների եւ Չինաստանի հարցերով, այժմ հերքում են Հնդկախաղաղօվկիանոսյան տարածաշրջանում խաղաղության պնդումները:
Մարտին ԱՄՆ նախագահ Ջո Բայդենը հայտարարել է, որ «Չինաստանն ունի նպատակ՝ աշխարհում դառնալ առաջատար, հարուստ եւ ուժեղ երկիր, սակայն դա տեղի չի ունենա»:
Շատերի կարծիքով՝ Բայդենի չինական ռազմավարությունը հիանալի սկիզբ է,
Բոլոր փորձագետները կիսում են այն կարծիքը, որ Թայվանում բախումների հավանականությունն ԱՄՆ զորքերի համար ուրախալի չէ: Թայվանը գտնվում է Չինաստանից 100 մղոն հեռավորության եւ ԱՄՆ խաղաղօվկիանոսյան նավատորմից 5000 մղոն հեռավորության վրա: Հաշվի առնելով ՉԺՀ հնարավորությունները՝ ԱՄՆ զորքերը ծանր կորուստներ կարող են կրել: