Մահացել է Մուհամեդ մարգարեի ծաղրանկարների հեղինակ Կուրտ Վեստերգարդը
Դանիացի նկարիչ Կուրտ Վեստերգարդը, ով հայտնի է որպես Մուհամեդ մարգարեի սկանդալային ծաղրանկարների հեղինակ, մահացել է 87 տարեկան հասակում, հաղորդել է ՏԱՍՍ-ը՝ հղում կատարելով Berlingske-ին:
Վեստերգարդի ընտանիքը հրատարակությանը հայտնել է, որ նկարիչը մահացել է երկարատեւ հիվանդության պատճառով:
Մուհամեդ մարգարեի 12 ծաղրանկարներն առաջին անգամ հրապարակվել են 2005 թվականի աշնանը դանիական Jyllands-Posten թերթում՝ առաջացնելով խոշոր միջազգային քաղաքական եւ հասարակական ճգնաժամ: Վեստերգարդի ծաղրանկարներից մեկը Մուհամեդ մարգարեին պատկերում է ատոմային ռումբի տեսքով տուրբանով՝ վառվող պատրույգով: Սա համարվել է թերթում տպագրված 12 ծաղրանկարներից ամենավիրավորականը:
Այս նկարների հայտնվելը Jyllands-Posten-ում, ապա նաեւ մի շարք այլ արեւմտաեվրոպական հրատարակություններում զայրույթ առաջացրեց իսլամական աշխարհում: Զայրացած մահմեդականները սկսեցին ավերել Դանիայի ներկայացուցչությունները Մերձավոր Արեւելքի, Ասիայի եւ Աֆրիկայի մի քանի երկրներում: Այդ ժամանակից ի վեր Վեստերգարդը եւ այլ նկարիչներ, ինչպես նաեւ նրանց ընտանիքի անդամները, որոնց բազմիցս սպառնացել են ֆիզիկական վնաս հասցնել, գտնվում են ոստիկանության շուրջօրյա հսկողության տակ:
Վեստերգարդը բազմիցս սպառնալիքներ է ստացել իսլամիստների կողմից, իսկ 2010 թվականի հունվարի սկզբին հարձակման է ենթարկվել: Jyllands-Posten թերթը մի շարք ծրագրված հարձակումների թիրախ է դարձել:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...