Բրազիլիայի նախագահին հոսպիտալացրել են որովայնի ցավերով
Բրազիլիայի նախագահ Ժայիր Բոլսոնարուին հոսպիտալացրել են որովայնի ցավերով, հաղորդում է G1 պորտալը:
Նա գտնվում է զինված ուժերի հոսպիտալում հսկողության տակ:
Առավոտյան նախատեսված բոլոր միջոցառումները չեղարկվել են:
Բոլսոնարուն 2018 թվական սեպտեմբերին դանակի հարված էր ստացել նախընտրական քարոզարշավի ժամանակ: Դանակը վնասել է նրա աղեկալի զարկերակը, որն արյուն է մատակարարում որովայնի խոռոչից աղիներին, ինչն առաջ էր բերել ախտահարման մի քանի օջախներ տուժածի մարմնի այդ հատվածում։ Դրանից հետո նա մի քանի վիրահատություն է ենթարկվել: