Իսրայելում բացվել է ԱՄԷ-ի դեսպանատունը
Չորեքշաբթի Թել Ավիվում բացվել է Արաբական Միացյալ Էմիրությունների դեսպանատունը, արարողությանը ներկա է գտնվել Իսրայելի նոր նախագահ Իցհակ Հերցոգը, վկայում են հեռարձակման կադրերը, փոխանցում է «ՌԻԱ Նովոստի»-ն:
«Ես այնքան ուրախ եմ, որ կարողացա մասնակցել Իսրայելում ԱՄԷ-ի դեսպանության այս պատմական բացմանն Իսրայելի նախագահի պատոնում իմ ժամկետի սկզբում: Մենք հնարավոր դարձրեցինք անհնարինը»,- արարողության ժամանակ ասել է Հերցոգը:
Այնուհետեւ հանդիսավոր կերպով կտրվեց ժապավենը, Իսրայելի նախագահը եւ երկրում ԱՄԷ-ի դեսպանը միմյանց ձեռք սեղմեցին:
Հունիսի վերջին տեղի ունեցավ Իսրայելի դեսպանատան բացման արարողությունն Աբու Դաբիում, բացվեց նաեւ Իսրայելի գլխավոր հյուպատոսությունը Դուբայում: