Չինաստանում մսավաճառը դանակով հարձակվել է մարդկանց վրա
Չինաստանի Շենյան քաղաքի սուպերմարկետներից մեկում մսավաճառը դանակով հարձակվել է մարդկանց վրա, հաղորդում է ՌԻԱ Նովոստին:
Դեպքը տեղի է ունեցել տեղական ժամանակով ժամը 09:50-ին:
61-ամյա Տյան ազգանունով տղամարդը վիճել է գնորդներից մեկի հետ խոզի մսի վաճառքի պատճառով: Աշխատակիցը վեճի պահին ձեռքում դանակ է ունեցել, որով էլ հարված է հասցրել գնորդին: Վերջինս մահացել է: Մսավաճառը որոշել է փախուստի դիմել եւ ճանապարհին վնասել է եւս 8 մարդու, որոնցից մեկը եւս մահացել է: 7 տուժածի հիվանդանոց են տեղափոխել: