Չինաստանը սպառնացել է ԱՄՆ-ին պատասխան միջոցներով պատժամիջոցների նոր ցուցակի պատճառով
Չինաստանը վճռական բողոք է հայտնում ԱՄՆ-ին եւ կձեռնարկի անհրաժեշտ միջոցներն իր օրինական շահերը պաշտպանելու համար 23 չինական ընկերություններին սեւ ցուցակում ավելացնելու կապակցությամբ, ասված է ՉԺՀ կոմերցիայի նախարարության տարածած հայտարարության մեջ, հաղորդում է ՌԻԱ Նովոստի-ն:
«ԱՄՆ-ն, ամփոփելով ազգային անվտանգության հայեցակարգը, չարաշահելով արտահանումը վերահսկելու միջոցները, անտեսելով փաստերը, կրկին մարդու իրավունքների պատրվակով ներառել է 23 չինական կազմակերպություններին պատժամիջոցների ցանկում: Դա անհիմն ճնշում է չինական ընկերությունների վրա եւ միջազգային տնտեսական եւ առեւտրային կանոնների լուրջ խախտում: Չինաստանը դեմ է դրան»,-ասված է հայտարարության մեջ:
«Մենք կձեռնարկենք անհրաժեշտ միջոցները մեր օրինական շահերն ու իրավունքները պաշտպանելու համար»,-ասված է հայտարարության մեջ:
Ավելի վաղ ԱՄՆ առեւտրի նախարարությունը սեւ ցուցակում էր ներառել ավելի քան 30 օտարերկրյա ձեռնարկություններ, այդ թվում մի շարք չինական ընկերություններ: Մասնավորապես, դրանցից մեկին վերագրվում էր ույղուրների, ղազախների եւ մահմեդական փոքրամասնությունների այլ ներկայացուցիչների նկատմամբ մարդու իրավունքների խախտում եւ բարձր տեխնոլոգիական հսկողություն սահմանելու մեղադրանք
Իսկ մյուս չինական ընկերություններին ԱՄՆ-ն կասկածել է ԱՄՆ ազգային անվտանգությանն ու արտաքին քաղաքականությանը հակազդելու գործունեության մեջ: