Ընտրությունների օրը ոստիկանությունը սպասում է սադրանքների
Մոլդովայի ոստիկանությունը տեղեկացնում է, որ խորհրդարանական ընտրությունների օրը՝ հուլիսի 11-ին սպխասում է սադրանքների: Սադրանքները սպասվում են այն տեղամասերում, որոնք Դնեստրի աջ ափին բացվելու են Մերձդնեստրի շրջանի ընտրողների համար:
Այս մասին շաբաթ օրը կայացած ճեպազրույցի ժամանակ հայտարարել է ոստիկանության գլխավոր կոմիսարիատի պետի տեղակալ Մարին Մաքսյանը:
«Մենք ունենք տվյալներ քվեարկության օրը սադրանքների նախապատրաստման վերաբերյալ»,- ասել է Մաքսյանը, ակնարկելով, որ սադրանքն իրականացնելու են նրանք, ովքեր չեն ցանկանում, որ Մերձդնեստրի ընտրողները մասնակցեն քվեարկությանը:
Մերձդնեստրից ընտրողները սովորաբար սատարում են այն կուսակցություններին, որոնք կողմ են Ռուսաստանի հետ հարաբերությունների ամրապնդմանը: