Ռուսաստանն ու Թուրքիան 820 մլն դոլարի պայմանագրեր են կնքել

Ռուսաստանի Դաշնության արդյունաբերության և առևտրի փոխնախարար Գեորգի Կալամանովը հայտարարել է, որ ռուսական և թուրքական ընկերությունները 83-րդ Իզմիրյան միջազգային ցուցահանդեսի շրջանակներում նախապես 820 մլն դոլարի պայմանագրեր են համաձայնեցրել: Այս մասին հաղորդում է Gazeta.ru-ն:

«Ցուցադրության բոլոր օրերն անցել են լարված հանդիպումային գրաֆիկով: Ռուսական արտահանման կենտրոնի տվյալներով՝ 196 հանդիպում է անցկացվել, որոնց արդյունքը 820 մլն դոլար արժողությամբ գործարքներն են»,- ասել է ռուս գործիչը:

Ավելի վաղ Թուրքիայի տնտեսության նախարար Նիհաթ Զեյբեքչին հայտարարել էր, որ թուրքական կողմն ու Ռուսաստանը լուծել են առևտրային սահմանափակումների վերացման մասին բոլոր հարցերը: