Ջենթիլոնի․ Իտալիան իրեն ահաբեկչությունից պաշտպանված չի զգում
Իտալիան, ցանկացած այլ երկրի նման, այսօր չի կարող իրեն ահաբեկչական վտանգից պաշտպանված զգալ։ Այս մասին հայտնել է Իտալիայի կառավարության ղեկավար Պաոլո Ջենթիլոնին, փոխանցում է ՌԻԱ Նովոստին։
«Ես չեմ հավատում որոշ իսլամական կայքերի քարոզչությանը, բայց գիտակցում եմ, որ ոչ մի երկիր, այդ թվում Իտալիան, չի կարող իրեն պաշտպանված զգալ սպառնալիքից»,- հայտնել է վարչապետը, ելույթ ունենալով Ռիմինի քաղաքում միջազգային խոշոր կաթոլիկ ֆորումի բացման ժամանակ։
Նախօրեին որոշ ծայրահեղական կայքեր, որոնք մոտ են «Իսլամական պետություն» խմբավորմանը, տեղեկություն էին հրապարակել այն մասին, որ Իսպանիայում տեղի ունեցած ահաբեկչություններից հետո հաջորդ թիրախն է դառնալու Իտալիան։
«ԻՊ-ն պարտված է, այն պարտվել է իր հիմնական խաղը, որը կապակցված էր իր ահաբեկչական ներկայությունը պետության վերածելու մտադրության հետ։ Բայց այս սպառնալիքը շարունակում է վերաբերել մեզ»,- շեշտել է այս կապակցությամբ Ջենթիլոնին։
Նա հայրենակիցներին կոչ է արել բազմակողմանի աջակցություն ցուցաբերել իրավապահ մարմիններին, հատուկ ծառայությունների ներկայացուցիչներին, զինվորականներին, որոնք զբաղվում են հասարակական անվտանգության ապահովմամբ։ «Ահաբեկիչները մեզ չեն ստիպի հրաժարվել մեր ազատությունից։ Մենք կպաշտպանենք այն, մենք կանենք դա, ամեն օր շնորհակալություն հայտնելով նրանց, ովքեր թույլ են տալիս մեզ ապրել ազատ»,- ամփոփել է Իտալիայի վարչապետը։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
Մեկնարկել է Ռազմական սպորտի օրվան նվիրված փոխանցումավազքը
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով