Խանդոտ ադրբեջանցին սպանել է հային
Սախալինի մարզի ոստիկանություն հաղորդագրություն է ստացվել, համաձայն որի՝ շտապօգնության բրիգադի բժիշկները տնամերձ տարածքում արձանագրել են Հայաստանի Հանրապետության 51-ամյա քաղաքացու մահը։
Դատաբժշկական փորձաքննության համաձայն՝ տղամարդը մահացել է սրտի հեմոտամպոնադայից, կրծքավանդակին փակ բութ վնասվածքից, որի հետեւանքով ճեղքվել է սրտի աջ փորոքը։
Հանցագործության մեղադրանքով ձերբակալվել է Ադրբեջանի 37-ամյա քաղաքացին։
Հետաքննության տարբերակով՝ զոհը ավելի քան 22 տարի է ապրում էր մարզկենտրոնի բնակչուհու հետ, նրանք երկու երեխա էին դաստիարակում։ Թմրանյութի ապօրինի շրջանառության համար տղամարդը որոշ ժամանակ եղել է ուղղիչ հաստատություններում։ Այս տարվա մարտին բանտից դուրս գալուց հետո նա իմացել է, որ իր կողակիցն ապրում է մեկ այլ տղամարդու հետ։ Կնոջ խնդրանքով նա հեռացել է, սակայն շարունակել նրան զանգահարել եւ այցելել։ Օգոստոսի 15-ին զոհը հյուրընկալվել է Նովոտրոիցկում՝ իրենց ծանոթների տանը։ Կասկածյալը, իմանալով այդ մասին, ընկերների հետ այնտեղ է ժամանել եւ տղամարդուն կանչել զրուցելու։ Վերջինը տնից դուրս է եկել եւս մեկ հյուրի հետ։ Իսկ այնտեղ ժամանած տղամարդիկ նրանց ձեռքերով ու ոտքերով բազմաթիվ հարվածներ են հասցրել։ Տղամարդկանց ծեծի են ենթարկել մինչեւ ականատեսների միջամտելը։ Դրանից հետո կասկածյալն ընկերների հետ հեռացել է։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Մելանշոնը հավանական առաջատար թեկնածուներից մեկն է
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Կրկին ակտիվացել են ՆԳՆ անունից զեղծարարության փորձերը
Ծաղկունքում կասեցվել է հացաբուլկեղենի արտադրամասի գործունեությունը
Մոսկվայում մեկնարկել է ԱՊՀ ԱԽ քարտուղարների հանդիպումը. Հայաստանը ևս մասնակցում է