Սպիտակ տուն. Թրամփը կստորագրի Ռուսաստանի դեմ նոր պատժամիջոցների մասին օրենքը
ԱՄՆ նախագահ Դոնալդ Թրամփը մտադիր է ստորագրել օրենքը, որով Ռուսաստանի դեմ նոր ծավալուն պատժամիջոցներ են սահմանվում եւ ընդլայնվում են նախկինում գործող սահմանափակող միջոցառումները, հայտնում է «Ամերիկայի ձայնը»:
«Նախագահ Դոնալդ Թրամփն ուսումնասիրել է օրինագծի նախկին տարբերակները, եւ խնդրել է փաստաթղթում չափազանց կարեւոր տարրերի փոփոխություններ կատարել: Հիմա նա ծանոթացել է վերջնական տարբերակի հետ եւ հաշվի առնելով, որ իր առաջարկած ուղղումները կատարվել են, օրենքը հաստատել է ու մտադիր է այն ստորագրել»,- նշված է Սպիտակ տան մամուլի ծառայության պաշտոնական հաղորդագրության մեջ:
Օրենքի ընդունման օգտին, որով նոր պատժամիջոցներ են սահմանվում նաեւ Իրանի եւ Հյուսիսային Կորեայի դեմ, քվեարկել է Կոնգրեսի 419 անդամ՝ 3 դեմ ձայներով: Սենատում փաստաթղթին աջակցել են 98 օրենսդիրներ, եւ միայն երկուսն են ձեռնպահ մնացել:
Նոր օրենքի դրույթներից մեկով սահմանափակվում է պատժամիջոցները մեղմելու կամ չեղարկելու ԱՄՆ նախագահի իրավունքը՝ նրան պարտավորեցնելով այդ գործողությունները Կոնգրեսի հետ համաձայնեցնել:
Օրինագծի քննարկման ժամանակ ԱՄՆ պետքարտուղար Ռեքս Թիլերսոնը օրենսդիրներին զգուշացրել է, որ նոր խիստ միջոցառումները վարչակազմին կզրկեն Ռուսաստանի հետ հարաբերություններում «անհրաժեշտ ճկունությունից»:
Հայաստանում ԱՄՆ դեսպանատունը զգուշացնում է
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Արաղչին առաջարկել է տարածաշրջանից հեռացնել ամերիկյան զորքերը
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Դասերը կվերսկսվեն առկա ձևաչափով վաղվանից՝ մարտի 31-ից․ Հայաստանի ամերիկյան համալսարան
Զաբել տատն իր 100-ամյա հոբելյանը կյանքի ամենաերջանիկ օրերից մեկն է համարում. հարազատները ծննդյան օրն...
Wildberries-ը Երևանում բացել է նոր լոգիստիկ համալիր՝ օրական մինչև 500 հազար ապրանքի թողունակությամբ
Հայտնի են «Հայկական համադպրոցական գիտության փառատոն-2026»-ի եզրափակիչ փուլի մրցանակակիրները