Դոնալդ Թրամփը Ուկրաինային մեղադրել է իր քարոզարշավը սաբոտաժի ենթարկելու փորձերի մեջ
ԱՄՆ նախագահ Դոնալդ Թրամփը թվիթերյան իր գրառմամբ Ուկրաինային մեղադրել է իր քարոզարշավը սաբոտաժի ենթարկելու փորձերի մեջ։
Սպիտակ տան ղեկավարը գրել է, թե Ուկրաինան աշխատանք է տարել իր մրցակից Հիլարի Քլինթոնին աջակցելուց ուղղությամբ։ Թրամփը, սակայն, ապացույցներ չի ներկայացրել։
Հաջորդ գրառմամբ, ԱՄՆ նախագահը քննադատել է ԱՄՆ գլխավոր դատախազ և արդարադատության նախարար Ջեֆ Սեշնզին, ում անձամբ էր նշանակել այդ պաշտոնում։
Թրամփի խոսքով՝ Սեշնզը «թույլ» դիրքորոշում է որդեգրել Հիլարի Քլինթոնի «հանցագործությունների» հարցում, որոնք ներկայումս հետաքննվում են։ Խոսքը անձնական էլեկտրոնային հասցեից ուղարկված գործնական նամակների մասին է, որոնք Քլինթոնը գրել է պետքարտուղար աշխատելու ժամանակ։
Նախօրեին ամերիկյան լրատվամիջոցները գրել են, որ Թրամփը մտածում է Սեշնզին պաշտոնանկ անելու մասին։
Նախագահը նրանից դժգոհել էր նաև մեկ շաբաթ առաջ The New York Times-ին տված հարցազրույցում։ Ամերիկացի առաջնորդը գլխավոր դատախազից դժգոհում էր Սենատում ԱՄՆ նախագահական ընտրություններին Ռուսաստանի հնարավոր միջամտության շուրջ ցուցմունքներ տալու և Թրամփի շրջապատի ու ռուսների միջև հնարավոր կապի շուրջ հետաքննությանը մասնակցելուց հրաժարվելու համար։
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Կարլոս Էսպին պայմանագիր է կնքել «Ռեալ Մադրիդի» հետ
ԱՄՆ պետքարտուղարությունը դեմ է Թուրքիային F-35 կործանիչների վաճառքին. Fox News
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Մյունխենի կենտրոնում կառուցվել է փայտից պատրաստված հնգահարկ մանկապարտեզ