Սոչիում կայացել է Ռուսաստանի ու Ադրբեջանի նախագահների հանդիպումը (Տեսանյութ)
Ռուսստանի նախագահ Վլադիմիր Պուտինը հույս ունի, որ Ադրբեջանի նախագահ Իլհամ Ալիեւի հետ իր հանդիպումը կնպաստի առկա տարածաշրջանային խնդիրների լուծմանը, փոխանցում է ՏԱՍՍ—ը։
«Ուրախ եմ ձեզ հետ խոսելու հնարավորության համար՝ թե մեր երկկողմանի հարաբերությունների, թե այն մասին, թե ինչ ոչ հասարակ իրավիճակ է ստեղծվում տարածաշրջանում։ Հույս ունեմ, որ մեր այսօրվա հանդիպումն էլ կնպաստի նրան, որ մենք կփնտրենք բոլոր բարդ խնդիրների լուծման ուղիներ ու բնականաբար կխոսենք այն մասին, թե ինչպես են զարգանում Ադրբեջանի ու Ռուսաստանի միջեւ երկկողմանի կապերը»,- դիմել է Պուտինը Ալիեւին ՝ Սոչիում երկկողմանի հանդիպումը սկսելով։
Պուտինը նշել է, որ Մոսկվան ու Բաքուն ապագայի բազմաթիվ համատեղ ծրագրեր ունեն։ «Ուրախ եմ ձեզ հետ հանդիպելու ու այդ բոլոր ուղղություններով խոսելու հնարավորության համար»,- ամփոփել է Ռուսաստանի նախագահը։ Ալիեւը նշել է, որ Ադրբեջանի ու Ռուսաստանի հարաբերությունները շատ հաջող են զարգանում։
Նա նշել է, որ նման շփումները կանոնավոր են ու տալիս են «լավ ազդակ երկկողմանի հարաբերությունների զարգացմանը, որոնք շատ հաջող են զարգանում»։ «Մենք բավարարված ենք մեր հարաբերությունների բարձր մակարդակով, ակտիվ համագործակցում ենք քաղաքական, առեւտրա-տնտեսական, հումանիտար ոլորտներում, կան լավ հեռանկարներ՝ տրանսպորտային, էներգետիկ ոլորտներում»,- ասել է Ալիեւը։ Նա հավելել է, որ երկու երկրների հարաբերությունները բազմաշերտ բնույթ ունեն։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
Պատերազմում շրջադարձային պահ է, հայտարարել է Ուկրաինայի ԱԳ նախարարը
Բելգիայում բացվել է առաջին Թումո կենտրոնը
Ռոնալդինյոն ժամանել է Հայաստան
ՃՏՊ Երեւանի կենտրոնում` մահվան դեպքով
«Մի նոր փոդքաստ պարտադիր դիտման համար» հյուր՝ Հայկ Կոնջորյան թողարկում 6