«Թող Աստված պահպանի այս երկիրը». հայտնի հումորիստ Եվգենի Պետրոսյանն այցելել է Խոր Վիրապ և կիսվել տպավորություններով
Ռուսաստանաբնակ հայտնի հումորիստ Եվգենի Պետրոսյանն Instagram-ում պատմել է Հայաստանի տեսարժան վայրերից Խոր Վիրապի վանք այցի մասին:
Պետրոսյանը պատմել է 301 թվականին Հայաստանում քրիստոնեության ընդունման պատմության և այդ ընթացքում Խոր Վիրապի դերի մասին: Այս վանքում է բանտարկված եղել Գրիգոր Լուսավորիչը:
«Ամեն անգամ Հայաստան ժամանելիս ես այցելում եմ զարմանալի Խոր Վիրապ վանք: Ինչո՞ւ է ամբողջ աշխարհն այն համարում պետական մակարդակով քրիստոնեական հավատի ծագման վայր: Քանի որ քրիստոնեական հավատը տարածելու համար Գրիգոր Լուսավորիչը փակված է մնացել այս խորը փոսի մեջ»,- գրել է հումորիստը:
Գրիգոր Լուսավորիչը փոսի մեջ անցկացրել է 13 տարի, որից հետո օգնել է Տրդատ III թագավորին բուժվել, վերջինս էլ հետո Հայաստանում քրիստոնեությունը հռչակել է որպես պետական կրոն:
«Այդ խորը փոս տանող աստիճանը ես լուսանկարել եմ: 6 մետր իջա ցած: Թվում էր` ներսս լցվել է ոչ երկրային զգացողություններով»,- նշել է Եվգենի Պետրոսյանը:
Նա նաև հյուրընկալության համար շնորհակալություն է հայտնել վանահորը` հայր Հարությունին: Վերջում Պետրոսյանը Հայաստանին Աստծո օրհնությունն է մաղթել` գրելով. «Թող Աստված պահպանի այս երկիրը»:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Երթևեկության կազմակերպման փոփոխություն՝ Վարդանանց փողոցում
Առաջին նոր երգ` հարսանիքից հետո
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Էլեկտրաէներգիայի ընդհատումներ կլինեն Երևանում և մարզերում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Տուրիստ չեմ` ավտոբուս չկա