ԵԽ գլխավոր քարտուղարը՝ Հայաստանում խորհրդարանի ընտրության մասին
ԵԽԽՎ նստաշրջանում Հայաստանի պատվիրակության անդամ Հռիփսիմե Գրիգորյանը հարց է հղել Եվրոպայի խորհրդի գլխավոր քարտուղար Ալեն Բերսեին՝ ընդգծելով՝ ԵԽԽՎ դիտորդներն արձանագրել են, որ հունիսին կայացած Հայաստանի խորհրդարանի ընտրությունն անցել է իրական քաղաքական մրցակցության պայմաններում։ Միաժամանակ դիտորդները փաստագրել են, որ եղել են արտաքին ուղղակի ճնշումներ, այդ թվում՝ տնտեսական սպառնալիքներ՝ ազդելու քաղաքացիների ընտրության վրա։
«Եթե ժողովրդավարական անվտանգությունը կոչված է՝ լինելու կանխարգելիչ, և ո'չ թե արձագանքող, ապա ի՞նչ պետք է անի Եվրոպայի խորհուրդը, երբ իր անդամ պետությունը ենթարկվում է նման ճնշման՝ թույլ չտալու, որ դա վնասի ժողովրդավարական ինստիտուտները և հանրային վստահությունը։ Ալեն Բերսեն արձագանքել է՝ Հայաստանում ընտրությունները ցույց տվեցին, թե ինչու ժողովրդավարական անվտանգությունը պետք է ապահովվի քվեարկության օրվանից շատ ավելի շուտ»,- նշել է Գրիգորյանը:
«Հիշատակվեցին տեղեկատվական մանիպուլյացիաները կամ արտաքին ճնշումը։ Մենք դա տեսնում ենք, և այդ երևույթը շարունակաբար զարգանում է։ Կարծում եմ՝ Եվրոպայի համար ժողովրդավարության նոր պակտն այն լուծումներից մեկն է, որը կարող ենք առաջարկել։ Ինչ վերաբերում է կրթական բաղադրիչին: Մենք ակնհայտորեն պետք է սովորենք բանավիճել այնպիսի պայմաններում, երբ սոցիալական ցանցերի ազդեցությունն ուժեղանում է։ Պետք է գործենք՝ արդյունավետ ժողովրդավարություն ապահովելու համար։ Մյուս բաղադրիչներն են՝ պաշտպանությունը և նորարարությունները»,- ասել է Ալան Բերսեն:
ԵԽ գլխավոր քարտուղարի խոսքով՝ նորարար մոտեցումներ ներդնելու համար կարելի է դիմել Արհեստական բանականությանը, այն կարող է նաև դրական ազդեցություն ունենալ:
«Արհեստական բանականությունը կարող է օգտագործվել ապատեղեկության, դիփֆեյքերի դեմ պայքարի, տեղեկատվության աղբյուրները ստուգելու, ճիշտն ու սխալը տարբերելու համար։ Եվ կարծում եմ՝ մենք կարող ենք այս ամենն անել՝ հաշվի առնելով Հայաստանի, Մոլդովայի և այլ երկրների փորձը»,- նշել է եվրոպացի պաշտոնյան:
Ալեն Բերսեն համոզմունք է հայտնել, որ այս քայլերը կնպաստեն եվրոպական արժեքների ու սկզբունքների պաշտպանությանը։
1tv.am
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Երթևեկության կազմակերպման փոփոխություն՝ Վարդանանց փողոցում
Առաջին նոր երգ` հարսանիքից հետո
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Էլեկտրաէներգիայի ընդհատումներ կլինեն Երևանում և մարզերում
Տուրիստ չեմ` ավտոբուս չկա