Սովետական քարտեզներով առաջնորդվելը նեղացնում է մեր բանակցային հնարավորությունները

Հայաստանը հետպատերազմական ժամանակահատվածում սահմանազատման գործընթաց իրականացնելու և դրանից շահած դուրս գալու հնարավորություն չունի։ Խորհրդարանում լրագրողների հետ ճեպազրույցի ժամանակ ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։

Վերջինս նշեց, որ սահմանազատման գործընթաց ինչ-որ փուլում պետք է լինի, բայց այդ հարցում շտապողականություն չպետք է լինի։

«Իշխանություններն անընդհատ հղում են անում այս կամ այն թվականների քարտեզին։ Սովետական ժամանակահատվածում տեղի ունեցած վարչական փոփոխությունները միջազգային իրավունքի առումով մեզ համար պարտադիր չեն, այդ փոփոխությունները եղել են Հայաստանի, Ադրբեջանի և Խորհրդային միության սահմանադրությունների խախտումներով։ Ի սկզբանե հայտարարել, որ առաջնորդվում ենք սովետական քարտեզներով, նեղացնում է մեր բանակցային հնարավորությունները»,-ասաց Տիգրան Աբրահամյանը։

Նա հավելեց, որ որպես բանակցությունների նյութ կարելի է հաշվի առնել քարտեզները, բայց ամբողջության մեջ միայն այդ քարտեզների վրա հիմնվելը Հայաստանի ու Արցախի շահերից չի բխում։

Այս թեմայով Այսօր առկա մեծ թվով խնդիրները դրդել կամ դրդում են շատ արցախցիների հեռանալ նաև Հայաստանից. Տիգրան Աբրահամյան Ավիրողների, հանձնողների, պարտվողների իշխանությունը նոր «բարձունքներ է» գրավում. Տիգրան Աբրահամյան Ադրբեջանցիները օրը ցերեկով, բառիս բուն իմաստով շրջում են երկրի ներսում, մարդ սպանում, իսկ իրենք «ոչինչ չի եղել դեմքով» այլ օրակարգեր են լցնում. Տիգրան Աբրահամյան ՊԲ նախկին հրամանատար Ջալալ Հարությունյանը պետք է պարզ հարցի պատասխանի` ներկայացրել է՞ ԳՇ պետին ճշգրիտ իրավիճակը Ադրբեջանցիները մի քանի տասնյակ կմ ճակատով ընդլայնման, տեղակայման, ամրաշինական աշխատանքներ են իրականացնում. Աբրահամյան