Մենք բոլորս այստեղից տուն չենք գնալու, քանի դեռ չենք հեռացրել այս գերագույն գլխավոր խրտվիլակին. Իշխան Սաղաթելյան (տեսանյութ)
Այսօր հայ ժողովուրդն ապրում է իր պատմության ամենաողբերգական ժամանակներից մեկը: Այս մասին այսօր՝ դեկտեմբերի 22-ին, Հանրապետության հրպարակում ընդդիմության հանրահավաքում հայտարարեց ՀՅԴ ԳՄ ներկայացուցիչ Իշխան Սաղաթելյանը:
Նրա խոսքով, մինչեւ վերջերս մենք հաղթող, հզոր ու հպարտ ժողովուրդ էին. «30 տարի անց մեկ խելագար դավաճանի գործունեության արդյունքում մենք կորցրեցինք Արցախի մեծ մասը: Այս օրերին այս խելագարի գործունեության արդյունքում մենք կորցնում ենք մեր պետականությունը: Եթե ուզում եք ունենանք պետականություն, ձեր երեխաներն ապրեն մեր հայրենիքում, եթե ուզում եք ունենալ երկիր, բանակ, հայրենիք, ուրեմն եկեք այս հրապարակ: Այստեղ է որոշվում մեր երկրի ճակատագիրը»,-ասաց նա:
Սաղաթելյանը ներկայացրեց, թե անցնող օրերի արդյունքում ինչ հաջողություններ են գրանցել. «Ձեր շնորհիվ ամբողջ աշխրհը իմացավ, որ այս պարտությունը հայ ժողովրդի համար ընդունելի չէ: Դուք արժանապատիվ պահեցիք հայ ժողովրդին, եւ ցույց տվեցիք, որ այս ստորացուցիչ պայմանները մեր ժողովուրդը երբեք չի ընդունելու: Երկրորդ, մեր գործունեության արդյունքում կառավարության շենքում նստած խրտվիլակը օրեցօր կորցնում է իր իշխանությունը: Ինքըն այլեւս չունի իշխանություն, իր հրժարկանի պահանջով հանդես են եկել ՀՀ նախագահը, երկու կաթողիկոսները, ԳԱԱ-ն, բազմաթիվ պետական բուհեր, մի քանի հարյուր համայնքների ղեկավարներ, գիտնականներ, ՀԿ-ներ: Այս մարդն այլեւս իշխանություն չունի:
Մեր պայքարի արդյունքում երեկ այս խելագար դավաճանը չկարողացավ մտնել Սյունիք: Սյունիքը ուժեղ ու կանգուն է, որովհետեւ գիտի, որ իր թիկունքն ամուր է»:
ՀՅԴ-կան գործիչը նդրադարձավ հարցին, թե ինչ է լինելու եւ երբ է հեռանալու Նիկոլ Փաշինյանը. «Այս մարդը հմառ է, խելագար ու դավաճան, ուզում է մեր պետականությունը վերջնականպես կործանել, բայց մենք դա թույլ չենք տալու: Մեր պայքարը ենթադրում է վճռական, հետեւողական, աննկուն, մինչեւ վերջ: Եկեք խոստանանք իրար երկու կարեւոր բան. Երբեք սադրանքների չենք տրվում, երկրորդը, մեր պայքարը երբեք կանգ չի առնելու: Մենք բոլորս այստեղից տուն չենք գնալու, քանի դեռ չենք հեռացրել այս գերագույն գլխավոր խրտվիլակին»:
Նա խոստացավ 20 րոպե անց ներկայացնել այն գործողությունների ծրագիրը, որ պետք է իրականացնեն:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը