Նիկոլ Փաշինյանը վերջին 2,5 տարում և հատկապես պատերազմը սկսելու օրվանից ապացուցել է, որ ի վիճակի չէ ապահովել մեր երկրի ու ժողովրդի անվտանգությունը
Մեզ համար ողջ հայ ազգը էլիտա է։ Նիկոլ Փաշինյանը հերթական անգամ մանիպուլացրեց և փորձեց հասարակությունը պառակտել հներ-նորեր, «սևեր»-«սպիտակներ», հիմա էլ էլիտա է ասում։ Այս մասին Նիկոլ Փաշինյանի հրաժարականի պահանջով «արժանապատվության երթի» ընթացքում լրագրողների հետ զրույցում ասաց «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը՝ անդրադառնալով Փաշինյանի այն հայտարարությանը, թե իր հրաժարականը պահանջում են «էլիտար խմբեր»։
Նա ընդգծեց՝ Փաշինյանը չի կարող մանիպուլյացիաներով և հասարակությանը հերթական անգամ կիսելով՝ շարունակել մնալ իշխանության։
Վանեցյանի խոսքով՝ իշխանությունը պետք է ձևավորվի ժողովրդի ազատ կամարտահայտմամբ, բայց, նրա կարծիքով, Նիկոլ Փաշինյանը վերջին 2,5 տարում և հատկապես պատերազմը սկսելու օրվանից ապացուցել է, որ ի վիճակի չէ ապահովել մեր երկրի ու ժողովրդի անվտանգությունը։
«Ուստի մենք ասում ենք՝ Նիկոլ Փաշինյան, հեռացիր, տեղդ զիջիր մարդկանց, որոնք կկարողանան ապահովել մեր ժողովրդի ու երկրի անվտանգությունը, կկարողանան լուծել կուտակված հարցերը։ Ամեն օր կորցնում ենք գյուղեր, նոր քաղաքացիներ են գերեվարվում։ Նիկոլը պետք է գնա, որ մենք լուծենք մեր առջև կանգնած խնդիրները»,-ասաց Վանեցյանը։
Նա ընդգծեց՝ պատերազմի սկսելու, դրա ընթացքի և արդյունքների վերաբերյալ հստակ տեղեկություններ ստանալու համար պետք է հարուցվի քրեական գործ, և իրականացվի քննություն, որը կտա բոլոր հարցերի պատասխանները։
Հիշեցնենք, որ այսօր քաղաքացիների «արժանապատվության երթ» երթը մեկնարկել է «Թումո»–ի այգու մոտից։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս