Ամուլսարի հանքի շահագործելը թուրքական ծրագիր է, նրանք ուզում են Հայաստանը վերացնել, մեր կառավարությունն էլ դրան նպաստում է. Ջերմուկի բնակիչ (տեսանյութ)

Ես տեղեկություններ ունեմ, որ Գնդեվազի գյուղապետն է կազմակերպել, որ Ամուսլարի պահապաններից երեք անձանց ձերբակալեն: Այս մասին Tert.am-ի հետ զրույցում ասաց Ջերմուկ համայքնի բնակիչ Մխիթար Ասլանյանը:

«Այս պահին երեք գործ կա հարուցված Գնդեվազի գյուղապետի վրա, նա է կազմակերպել այս ամեն ինչը, ինքն էլ զանգահարել է ոստիկանություն: Գյուղապետը Լիդիանին ապօրինի ծախել է հողերը: Այսօր նա ազատ ման է գալիս և Լիդիանի կողմից հրահրում է Ջերմուկի բնակիչներին, ուզում է՝ հանքն աշխատի, որ իր բոլոր գործերը ծածկվեն»,- ասաց Մխիթար Ասլանյանը:

Դիտարկմանը՝«Լիդիան Արմենիա»-ն խոշոր ներդրող է, և բնական է, որ ուզում է իր գործը կատարել, վերջինս ասաց. «Թուրքերը միշտ ուզել են Հայաստանը գրավել, ուրիշ ձև չի մնացել, այս հանքը պետք է բացեն, սա թուրքական ծրագիր է, նրանք ուզում են Հայաստանը վերացնել, իսկ մեր կառավարությունն էլ դրան նպաստում է: Հանքը հանք չի դառնալու, ով ուզում է լինի»,- ասաց նա և հավելեց.

«Երեկ Փաշինյանն իր ելույթում 2050 թվականի տեսլականի մասին էր խոսում, ասաց, որ մենք ունենալու ենք նոր հանքեր նոր տեխնոլոգիաներով, նա կրկնեց այն խոսքերը, ինչ պայմանարվորվել էր Ալոյանի հետ: Նրանք ուզում են Հայաստանը վերացնել: Եթե այդ հանքը բացվեց, մենք չենք ունենալու Ջերմուկը, Արփա գետի հոսքով մինչև Արենի տարածքը, չենք ունենալու Սևանը: Մեր պայքարը արդար է, մենք մեր երեխաների համար ենք պայքարում»: