Ինչու է հրաժարական տվել Ջուլֆալակյանը. «Իմ քայլի» պատգամավորը փակագծեր բացեց
Ինձ համար անակնկալ է Արսեն Ջուլֆալակյանի քայլը, գիտեի, որ իր համար կա ոչ կոմֆորտ վիճակ, բայց, որ կարող է հանգուցալուծումն այսպես շատ կտրուկ լինել, չէի սպասում: Այս մասին, այսօր՝ սեպտեմբերի 10-ին, ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Սոֆյա Հովսեփյանը:
Հարցին՝ նա եւ Ջուլֆալկյանը նույն հանձնաժողովից են եղել, որեւէ տարաձայնություն նկատե՞լ է, Հովսեփյանն արձագանքեց. «Իրականում ասեմ, այո, Կրթության հանձնաժողովը մի շարք տարաձայնություններ ունեցել է Կրթության նախարարության հետ, այդ թվում նաեւ` սպորտի բնագավառում, ինչը պարոն Ջուլֆալակյանը նշել է»:
Ջուլֆալակյանը, անդրադառնալով հարցին` խնդիրները փոխնախարարի հե՞տ են կապված, Սոֆյա Հովսեփյանը դրական պատասխան տվեց: «Այո, փոխնախարար Գրիշա Թամրազյանի հետ, որը սպորտն է համակարգում, եւ այս խնդիրը, որ կար, բավականին երկար էր, միգուցե հաղորդակցումը պատշաճ չի կատարվել»:
Հարցին՝ նման տարաձայնությունները պե՞տք է պատճառ լինեն, որ պատգամավորը հրաժարվի մանդատից, պատգամավորը նշեց, որ դա շատ անհատական եւ սուբյեկտիվ որոշելու հարց է: «Միգուցե ես չհրաժարվեմ, բայց փաստ է, որ պարոն Ջուլֆալակյանը հարաժարվեց, ամեն մեկն իր որոշումն է կայացնում: Իհարկե, ես, շատ գնահատելով պարոն Ջուլֆալակյանի մասնագիտական կարողություններն ու մարդկային որակները, շատ ափսոսում եմ, որ ինքն այլեւս ցանկություն չունի շարունակել մեզ հետ, որովհետեւ այն, ինչ ինքը կարող է անել, վստահեցնում եմ, որ ես կամ մյուս գործընկերները չենք կարող անել, մասնավորապես, սպորտի բնագավառում»,- ասաց նա:
Ճշտող հարցին՝ նախարարի հետ կոնկրետ խնդիր եղե՞լ է, երբ, օրինակ, Ջուլֆալակյանը տեսակետ է հայտնել, բայց Արայիկ Հարությունյանը բոլորովին այլ բան է պնդել, նա ասաց. «Ակնհայտ խնդիրներ հանձնաժողովի նիստերի ժամանակ չեն եղել, եթե ներքին խնդիրներ եղել են, եւ այո, եղել են, դրանք երբեք ի ցույց չեն դրվել հանձնաժողովի նիստի ժամանակ»:
Ինչ վերաբերում է նրան, թե իշխող խմբակցությունը ինչպես է վերաբերվում Արայիկ Հարությունյանի գործունեությանը, հատկապես վերջին շրջանում, Հովսեփյանն ասաց, որ խմբակցությունից այն մարդիկ, ովքեր առնչվում են չափորոշիչների հետ, այդտեղ կան խնդիրներ, եւ այդ խնդիրները բացասաբար են գնահատվում: «Բոլորս էլ գիտակցում ենք, որ այդ խնդիրները որքան կապված են Արայիկ Հարությունյանի գործունեության հետ, այդքան էլ կապված չեն, որովհետեւ հանձնաժողովներն իրենց տեղում ոչ պատշաճ գործելու հետեւանքով առաջացնում են այս խնդիրները: Այսինքն՝ մենք բոլորս գիտենք այս խնդիրների մասին, բայց գնում ենք նրան, որ համագործակցված լուծենք այդ հարցերը»,- նշեց նա:
Ըստ Հովսեփյանի՝ այս պահին չափորոշիչների հետ կապված հանձնաժողովը ստեղծված է, եւ բոլոր առաջարկները, քննարկումներն արվում են: «Այն առաջարկները, որոնք ներկայացնում ենք, մասնագետների հետ ենք քննարկել, ոչ թե ուղղակի մեր հանձնաժողովի միանձնյա որոշումն է, մասնագիտական քննարկման է ենթարկվել եւ պահանջելու ենք, որ այդ առաջարկներն անցնեն: Նախնական համաձայնություն ունենք, թե ինչպես կլինի, հետագան ցույց կտա»,- ասաց նա:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը