«Դուխով գլխարկները հանեք, գործ արեք, ժողովրդին հանեք էս ցեխի միջից». ակցիայի մասնակից

Պարոն Փաշինյան, գոնե էս երեխեքի համար պարտավոր եք իջնել, նրանք իրավունք չունեն բետոններին նստել նրա համար, որ իրենց ծնողները բանկերի տակ ճռռում են: Այս մասին այսօր`սեպտեմբերի 10-ին կառավարության դիմաց ասաց բանկային համակարգից բողոքող նստացույց անողներից մեկը:

«Դուխով» գլխարկ դնելով` դուխով չեն դառնում, դուխով 500 հատ ֆեյք անասուն եք պահում, դուխով քֆուր են գրում: Տրանսգենդերներ բերելով` դուխով չեն դառնում, եվրոպայից ինչքան հարամ բան կա, դուխով դա արեցիք: Ամոթ է, ավելի լավ է դուխով գլխարկները հանեք դուխով ապրեք, էդ վախտ սաղ ազգը ձեզ կհարգի»,- ասաց ակցիայի մասնակիցներից մեկը` հավելելով. «Դուք միշտ քաղաքական հռետորությանը տիրապետել եք իդելալական ու դրա շնորհիվ հայտնվել եք այս աթոռին, այժմ ժամանակն է գործելու, իրապես գործ արեք, ժողովրդին հանեք էս ցեխի միջից, ոչ թե բազմոցներին նստած` երևի մի հատ էլ մեր վրա ծիծաղոում եք, թե ինչի են եկել, ստեղ վեր ընկել»,-ասաց նա:

Ակցիայի մասնակիցները ևս մեկ անգամ վարչապետին հորդորեցին իջնել, հանդիպել ցուցարարների հետ, եթե խնդրին լուծում չկա, ապա դա պետք է ասի հենց ինքը:

Հիշեցնենք, որ արդեն երկար ժամանակ է, ինչ մի շարք քաղաքացիներ բողոքի ակցիա են անում՝ բողոքելով բանկային համակարգի, վարկային կազմակերպությունների դեմ՝ մասնավորապես խնդրահարույց համարելով նրանց կողմից տրամադրված վարկերի տարեկան տոկոսադրույքները։