Փեսան ամենակարեւոր պահին ծաղրել է հարսին եւ ծիծաղեցրել հյուրերին
Reddit կայքում հրապարակվել է հարսանիքի արարողության ժամանակ փեսայի կողմից հարսնացուին ոչ միանշանակ ծաղրելու տեսանյութը, հաղորդում է ՌԻԱ Նովոստին:
Քահանայի այն հարցից հետո, թե արդյո՞ք տղամարդը պատրաստ է կնության վերցնել աղջկան, նա մի փոքր դադարից հետո բարձրացել է բեմում գտնվող իր ընկերների մոտ եւ ցուցադրաբար քննարկել նրանց հետ պատասխանի հնարավոր տարբերակները:
Նման արարքը ծիծաղ է առաջացրել հյուրերի շրջանում, սակայն Reddit-ի օգտատերերի կարծիքներն այս հարցում բաժանվել են:
Օգտատերերի մի մասը այդ կատակը տեղին է համարել, իսկ ոմանք էլ դա առնվազն ոչ միանշանակ են անվանել, քանի որ փեսայի նման պահվածքը կարող է վիրավորել հարսնացուի զգացմունքները: Ընդ որում՝ մեկնաբանողների մեծ մասը համաձայնել է, որ կատակը շատ է կախված իրավիճակից եւ ապագա ամուսինների հարաբերություններից, բայց քանի որ եւ՛ աղջիկը, եւ՛ հարսանիքի հյուրերը գնահատել են այն, դրանում ոչ մի դատապարտելի բան չկա: