Թուրքական կառավարությունը հանցավոր խմբավորման ղեկավարին խնդրել է սպանել ամերիկյան պաստորին
Թուրքական կառավարությունը հանցավոր խմբավորման ղեկավարին խնդրել է սպանել ամերիկյան պաստոր Էնդրյու Բրանսոնին, որը երկու տարի բանտարկված էր Թուրքիայում: Այժմ ԱՄՆ Հետաքննությունների դաշնային բյուրոն (ՀԴԲ) քննություն է սկսել՝ կապված այս հայտարարության հետ, գրում է International Christian Concern պորտալը:
Հանցավոր խմբավորման ղեկավար Սերքան Քուրթուլուշն այս տարվա հունիսին ձերբակալվել է Արգենտինայում: Նա ապաստան է հայցում, քանի որ հետախուզվում է Թուրքիայում՝ Սիրիային ապօրինի կերպով հրազեն մատակարարելու համար: Թուրքիան փորձում է հասնել Արգենտինայից նրա արտահանձնմանը: Քուրթուլուշն ասել է, որ իրեն են մոտեցել իշխող «Արդարություն եւ զարգացում կուսակցության» Իզմիրի մասնաճյուղի անդամները եւ խնդրել են կազմակերպել Բրանսոնի սպանությունը: Նա պնդում է, որ նրանք ցանկանում էին սպանության մեղքը գցել գյուլենականների վրա, որպեսզի ԱՄՆ-ը իսլամական քարոզիչ Ֆեթուլլահ Գյուլենի շարժումը ահաբեկչական կազմակերպություն ճանաչի:
Նրա հայտարարության ճշմարտացիությունը դեռեւս ստուգված չէ, բայց հաղորդվում է, որ ՀԴԲ-ն Քուրթուլուշին հարցաքննելու հայց է ներկայացրել: Արգենտինան դեռ չի պատասխանել դրան:
Բրանսոնը որպես պաստոր էր ծառայել Իզմիրում: Նա ձերբակալվել է Գյուլենի շարժմանն աջակցելու կեղծ մեղադրանքով: Շատերը Բրանսոնի բանտարկությունը համարում են ԱՄՆ-ի կողմից Գյուլենին արտահանձնել ստիպելու Թուրքիայի փորձ:
Նրա դեպքն ապացուցում է, որ Թուրքիայում քրիստոնյաները իշխանությունների կողմից հաճախ օգտագործվում են քաղաքական մանեւրի համար: Անկախ նրանից, թե Քուրթուլուշի հայտարարությունը ճիշմարիտ է, թե ոչ, դա ցույց է տալիս, թե ինչպես քրիստոնյաների նկատմամբ Թուրքիայի իշխանությունների մոտեցումը կարող է ինտեգրվել հասարակության գիտակցության մեջ, գրում է պորտալը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը