Գեներալ-մայոր Գրիգորի Խաչատուրովը հանդիսավորությամբ պարգևատրվեց «Մարտական խաչ» առաջին կարգի շքանշանով
Գեներալ Գրիգորի Խաչատուրովը հանդիսավոր կերպով պարգեւատրվեց «Մարտական խաչ» առաջին աստիճանի շքանշանով
ՀՀ վարչապետ Նիկոլ Փաշինյանի միջնորդությամբ եւ Հանրապետության նախագահի հրամանագրով այսօր՝ օգոստոսի 28-ին, Սարդարապատի հուշահամալիրում, «Մարտական խաչ» առաջին աստիճանի շքանշանով պարգեւատրվեց Երրորդ բանակային զորամիավորման հրամանատար, գեներալ-մայոր Գրիգորի Խաչատուրովը, որի անմիջական գլխավորությամբ էլ հայկական ստորաբաժանումները հուլիսյան մարտերի ընթացքում կարողացան փայլուն կերպով կատարել առաջադրված բոլոր մարտական խնդիրները։
Նշենք, որ վարչապետի միջնորդությամբ եւ Հանրապետության նախագահի հրամանագրերով Տավուշյան հաղթական մարտերի ակտիվ դերակատարներից 16 զինծառայողներ պարգեւատրվել են «Մարտական խաչ» առաջին աստիճանի, 55 զինծառայողներ՝ «Մարտական խաչ» երկրորդ աստիճանի շքանշանով։
Արարողությանը ներկա էին Արցախի Հանրապետության նախագահ Արայիկ Հարությունյանը, Ամենայն Հայոց Կաթողիկոս Գարեգին Բ-ն, Ազգային ժողովի նախագահ Արարատ Միրզոյանը, Անվտանգության խորհրդի անդամները, Կառավարության անդամները, գեներալներ, սպաներ, պաշտոնյաներ, ինչպես նաեւ օրերս Հայաստանի ազգային հերոսի կոչման արժանացած, Տավուշյան մարտերում Անվախ անունը կրող դիրքի պաշտպանության ժամանակ աչքի ընկած հետախուզական ջոկատի հրամանատար Ռուբեն Սանամյանը։
Նշենք, որ Գրիգորի Խաչատուրովը գեներալ-գնդապետ, ՀՀ ռազմական գործիչ, ՀՀ ԶՈւ գլխավոր շտաբի նախկին պետ, Հավաքական անվտանգության պայմանագրի կազմակերպության նախկին գլխավոր քարտուղար Յուրի Խաչատուրովի որդին է։
Այս տարվա հուլիսի 12-ին ադրբեջանական զինուժի սադրանքից հետո Տավուշին սահմանամերձ հատվածում մարտեր սկսվեցին, որոնց ընթացքում հայկական ԶՈւ դիրքերի բարելավման գործողությունը ղեկավարել է գեներալ-մայոր Գրիգորի Խաչատուրովը։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...