ՌԴ-ում փորձարկվել է Ту-95МСМ կատարելագործված հրթիռակիրը (տեսանյութ)
Առաջին թռիչքն է իրականացրել գերարդիականացված Ту-95МСМ ռազմավարական հրթիռակիրը: Ինչպես հաղորդում է РИА Новости-ն՝ հղում անելով ՌԴ պաշտպանության նախարարությանը, հրթիռակրի նորացված տարբերակի փորձնական չվերթը կայացել է «Բանակ-2020» միջազգային ռազմատեխնիկական համաժողովի բացմանն ընդառաջ:
ՌԴ Միավորված ավիաշինարարական ընկերության գլխավոր տնօրենը պաշտպանության նախարար Սերգեյ Շոյգուին զեկուցել է, որ փորձնական չվերթը տեղի է ունեցել նախօրեին Տագանրոգում:
Թռիչքը տեղի է ունեցել 9000 մետր բարձրությամբ և տևել է 33 րոպե, բոլոր համակարգերն ու սարքավորումները անխափան են աշխատել:
«Դա սպառազինման նոր համալիրով ինքնաթիռ է, որը համալրված է էլեկտրոնային սարքավորումների համալիրով, նորագույն կատարելագործված շարժիչներով: Ինքնաթիռի մարտունակությունը կրկնակի մեծացել է կատարելագործումից հետո»,- ասել է ընկերության տնօրենը:
ՊՆ-ից հայտնել են, որ հաջողվել է զգալիորեն մեծացնել նավիագացիոն ճշգրտությունը և հուսալիության ցուցանիշները, ինչպես նաև բարելավել ինքնաթիռի թռիչքային և վայրէջք կատարելու հատկությունները: