Թուրքիան Լիբանանում անցկացնում է նեոօսմանական քաղաքականություն՝ ուղղված հայ համայնքի դեմ․ ակադեմիկոս
Թուրքիան Լիբանանում անցկացնում է նեոօսմանական քաղաքականություն՝ ձեւավորելով չեզոք խմբեր, որոնք կարծիք են տարածում, որ Լիբանանում Օսմանյան կայսրության ժամանակահատվածում ավելի լավ էին ապրում։ Այս մասին օգոստոսի 21-ին լրագրողների հետ հանդիպման ժամանակ ասաց Հայաստանի ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը։
Նրա խոսքով՝ երկրում ձեւավորվում է նոր քաղաքական համակարգ, եւ Անկարան փորձում է ամրանալ վերոհիշյալ ուժերի միջոցով, որոնք ուղղվելու են, այդ թվում հայ համայնքի գործունեության դեմ։
Այս ֆոնին փորձագետը նշեց այն բանի կարեւորությունը, որ Հայաստանն ու Արցախը պատրաստակամություն հայտնեն ընդունելու հայ համայնքի ներկայացուցիչներին։
«Դրանից բացի, Երեւանը պետք է տարածաշրջանում անցկացնի Անկարայի հավակնությունները զսպելու ակտիվ քաղաքականություն՝ համագործակցելով Հունաստանի, Կիպրոսի եւ Եգիպտոսի հետ։ Կարեւոր է նաեւ Թուրքիային մշտական տեղեկատվական հակազդեցությունը եւ տարածաշրջանում հայկական ժառանգության մասին հիշեցումը»,- հավելեց նա։
Ռուբեն Սաֆրաստյանը համոզմունք հայտնեց, որ Թուրքիան չի կարող լիբանանյան գործընթացում վճռորոշ դեր խաղալ, քանի որ նման հնարավորություններ չունի։
«Դրանից բացի, Լիբանանը մշտապես գտնվում է Արեւմուտքի քաղաքականության կենտրոնում, իսկ վերջին իրադարձությունները այդ հետաքրքրությունը ավելի կմեծացնեն։ Արտաքին խաղացողները ձգտում են պահպանել այս երկրի միասնությունը եւ հնարավոր ամեն ինչ անում են, որ քաղաքացիական պատերազմը կանխեն։ Լիբանանում նույնիսկ կարելի է կանխատեսել գոյություն ունեցող կոռումպացված համակարգից սահուն անցում կառավարման ժողովրդավարական համակարգին»,- ամփոփեց թուրքագետը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա