Երկրաշարժ Վանում

Այժմյան Թուրքիայի տարածքում գտնվող Վանի նահանգի Տուշպա շրջանում 3.9 մագնիտուդ ուժգնությամբ երկրաշարժ է տեղի ունեցել, հաղորդում է թուրքական demokrathaber.org կայքը։

Հայտնի է, որ երկրաշարժի օջախը գտնվել է 3.3 կմ խորության վրա։

Ավերածությունների կամ տուժածների մասին առայժմ տեղեկություններ չկան։

Ավելի վաղ ՝ հունիսի 29-ին, տեղական ժամանակով ժամը 10:42-ին (Գրինվիչի ժամանակով` 06:42-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 40.450 և արևելյան երկայնության 43.650 աշխարհագրական կոորդինատներով (Հայաստան-Թուրքիա սահմանային գոտի, Արագածավան գյուղից 15 կմ դեպի հյուսիս), օջախի 10 կմ խորությամբ, 3.1 մագնիտուդով երկրաշարժ:

Ստորգետնյա ցնցման ուժգնությունն էպիկենտրոնում կազմել է 4 բալ: Երկրաշարժը զգացվել է ՀՀ Արագածավան գյուղում՝ 3-4 բալ ուժգնությամբ: